Aaj KaL Mohabbat ke , Qeematain, kahan tk Hain?

Ao Jaanch LaiTy hn, Durd k Tarazu pr
Kis Ka Ghum Kahan tk hy! Shidattain Kahan tk Hain?

Kuch Azeez Logon s PooChna to prTa hy...
Aaj KaL Mohabbat ke , Qeematain, kahan tk Hain?

Aik Shaam, A Jao, KhuL k HaaL -e- DiL keh lain
Kon JaaNy, SaanSo ke, Mohlatain, Kahan tk Hain

Ye Chamak Damak to Faraib hai

Meri zindagi ki kitab ka Hai warq warq yon saja howa
Sar-e-ibtida, sar-e- inteha, Tera naam dil pe likha howa

Ye chamak damak to faraib hai Mujhe dekh gehri nigah se
Hai libaas mera saja howa Mera dil hai lekin bujha howa

Meri aankh teri talaash me Yon bhatakti rehti hay raat din
Jese jangalon me hiran koi Ho shikariyon me ghira howa

Mohabbat tum ne bhi ki hai !

Mjhe kaise yaqeen aaye
Mohabbat tum ne bhi ki hai
Tumhein jab bhi kabhi dekha
Sada khush baash hi paaya
Hamesha hunstay rehtay ho
kabhi rotay nahi paaya
kabhi ghamgeen nahi dekha
Hamesha masst rehtay ho
Mohabbat karne walon per kabhi
Massti nahi chaati..
Kabhi ronaq nahi aati
Na woh sarsabz hotay hein
Mohabbat karnay walay dil
Hamesha zard hotay hein
To phir kesay yakeen kar lon
Mohabbat tum ne bhi ki hai

Agar Woh Meharbaan Hota

Agar Woh Meharbaan Hota
To Mairi Aankh Mein
Na Jhilmilati Ye Nami Hoti
Na Mairey Dil Ki Waadi Mein
Khizaan Ka Qaafla Rukta
Agar Woh Meharbaan Hota!
Mairi Be-noor Aankhon Mein
Sitarey Qaid Kar Deta
Mairi Zakhmi Hatheili Pay
Woh Koi Phool Dhar Deta
Mairey Haathon Ko Apney Haath Mein Ley Kar
Woh Ye Kehta...
Mohabbat, Roshni Hai, Rang Hai, Khushboo, Sitaara Hai
Qasam Mujh Ko Mohabbat Ki
Mujhey Tu Sab Say Pyara Hai
Magar Aisa Woh Tab Kehta
Agar Woh Meharbaan Hota!!!!!
Agar Woh Meharbaan Hota....!!!!!!!

ChaanDni December Ke

Raat us nay poocha tha
Tum ko kesi lagti hai
Chandni december ki ???

Main nay kehna chaha...
Saal-o-mah kay baray main
Guftagu kay kia ma'ni

Chahay koi manzar ho
Dasht ho, Samandar ho,
June ho, December ho

Dharkanon ka har manzar....
Manzron pe bhaari hai!!

Saath jab Tumhara ho...
Dil ko ik Sahara ho

Aisa lagta hai jaisay....
AIk Nasha sa tari ho

Lekin uski qurbat main
Kuch Nahin Kaha Main Nay

Takti reh gae mujhko
ChaanDni December Ke……!

Muhabbat Jurm ho ja`ey

Usay kahna
Jo sacha hay to phir wo is judai ki wazahat kiun nahi karta
Usay kahna
k is bay etnai ki waja likhe
Kahin esa na ho k phir
Zara si aik Ghaflat par
Muhabbat Jurm ho ja`ey

zindgi ka ma'amool

ik umer sy zindgi ka ma'amool
tanhai hay aur khud kalaami...

Samjhy ga kon

Samjhy ga kon Rooh ke Gehraiyon ke Baat
Poochy koi to Bataon he Bataon main Taal do

Yehi Tohfa hay

Teri Salgiraah Per
Ay Meri Jaan
Main Teri Nazar Karta Hon
Apni Be Lous Mohabbaton K
Gulaab saaary
Apni aankhon may uthay
Khwaab saary
Apni Wafaon k rang saary
K Yehi Tohfa hay
Ay Meray Hamsafar
Meray Pas
Teray Liye

Main yeh Mangta hon har Pal Dua

Main yeh Mangta hon har Pal Dua

Kay Teray Janam Din par

Khuda Paak!

Tujhay who sub kuch Ata karay
Jis ki Tammanna Teray Dil nay Ki,

Har who Khuahish jo teray labon par
Machalti ho

Poori Ho!

Aur teri yeh Roshan Ankhain Sada Chamkain

Teri MAsoom muskurahat
Sada teray labon ka Mehwar ho

Khushiyun say tera daman Hameesha Bhara rahay
Aur Khuda Paak!

Teri Umer Daraz Karain
Ameen

Pas Na Tha

Ajeeb Saneha Guzra Hai Mujh Pe Aaj Ki Shaam
Main Aaj Shaam Tumhaaray Hijr Mein Udaas Na Tha

Ab Aik Saal To Ye Aik Ghamm Hi Kaafi Hai
Tumhaari Saalgira Par Tumhaaray Paas Na Tha !

Janam Din Mubarak Ho

tumhare chehray per jo sajay hain
wo phool khushiyoun ke younhi taaza rehein

abad taaq

hayaat noo mein wo rang bhar dein

ke aanay wala har lamha
neyi umangon ka tarjamaan hoo
nayi baaharon ki dastaan ho
wo dastaan jiss ko parh ker dil mein
muhabton ka messurton ka yakeen ho paida

meri duaa hai

tumhari aankhon ke sare sapne
masaal suraj namaaya ho ker
tumhari duniya jugmaggaye.n
masaa maahtaab aor anjam
tumhari hasti ko sajjain

naik tamanaon ke hamraa'h
Janam Din Mubarak Ho

Tohfa -e- Deed

Kash yeh salgirah mujhe
Ek musarrat mazed day jaye
Zindagi ki naveed day jaye
Kash.....
woh aye aur aa kar mujhe
kuch aur nahin
sirf tohfa-e-deed day jay

Main In lafzoan se darta hoon

Haqeeqat ashnaa meray tujhay shayad khabar hogi
Mujhay teri muhabbat ne, bahut buzdil bana dala

Main har us shey se darta hoon
Tujhay jo cheen sakta hai

Main un lamhoan se darta hoon
Judai jin mai rehti hai

Main in ashkoan se darta hoon
Jo ban kar yaad behtay hain

Main In lafzoan se darta hoon
Jo Khamoshi mai Rehtay Hain!!!!

December Ab Bhi Tera Muntazir Ha...

Woh Lamhay
Sooch Ki Dehleez Pr Thehray Hoay Han
December k Maheenay Me
Hazaroon Saal Pehlay Jab
Teray Waadon K Honton Nay
Meri Aankhon Say Behti Zindagi K Haath Choomay Thay
Meri Bay-Rung Baaton K Kinary
Tum Nay Khawabon K Sahary Or Ashkon K sitaray Rakh Diyee Thay
Or
Hawa ko Apni Chahat Ki Hifazat Ka Isharh Kr Diya Tha
Hawa Ki Khunkiyon Me Ab Bhi Teri Narm Baatain
Aahaton Ka Jaal Bunti Han
SamaaT Ab Bhi Teray Qehqahon Ka Shoor Sunti Ha
Khayal Ab Tak Tumhari Ungliyon Say
Meray Dil K Surkh Aansoo Poonchta Ha
Nigahain Barf K Phailay Chamaktay Canvas Pr Ja Bajaa
Teri Rafaqat Ki Zarorat Paint Kerti Han
Thithertay Paaniyon K Tan Pay Bikhri Dhoop
Tera Hijer Rooti Ha
Kahan Hoti Ha Tu
Muhabbat Ki Sulagti Rah-Guzaroon K Kinaron Pr
December Ab Bhi Tera Muntazir Ha...

Suno December … Ussay mila do.

Naee hikayat muhabbaton ki
Shikayatoon ki

Bhujhe bhuje se haroof le kar
Kohar mein doobi seyyahoon ki

Warq warq per utaarna hai
Udaas shamoo ke phool chun kar

Suno December
Ussay pukaaro
Ussay bulaaoo
Suno December … Ussay mila do

Ab is se pehlay ke saans niklay
Ab is se pehlay ke saal guzray

Wohi lakeerain wohi sitaara
Meri lakeeroon mein qaid kar do

Ya aakhri shab ke aakhri pal
Koi bara ikhtitaam kar do

Yeh zindagi bhi tamaam kar do
Suno December … Ussay mila do.

Aik Diya Jalana

Main jaanta hoonkay chatoan per
Diay jalanay ki rasam baqi nahi rahi hai
Magar tumhain meri yaad aaiy...

Toa yaad rakho....!

Tum apni ankhon se
Ansaon k chamaktay moti Na girnay dainaa...!

Bas itna karna....

Kay apni chat per
meri muhabbat ki nazam gaa har...
meri rafaqat ko yaad kar kay

Diyaa Jalanaa

Tum apni chat per kisi bhi konay mai baith ker...
AIK DIYAA JALANAA...!!!

Wasi shah

Mere Saahir Se Keh Dena.

Mere Saahir Se Keh Dena..........
Musaafir Aaj Tak Chup Hay
K Uss k Haath Mein Tum Ne
Jo Apna Haath Rakha Tha
Vo Ab Tak Yaad Karta Hay

Mere Saahir Se Keh Dena...........
K Sadiyon Ki Musafat Ne
Mere Pairon Se Baandhi Hay
Thakan Ab K Baras Itni
K Apni Doobti Nabzoon Se Main Khaayaf Sa Rehta Hoon
Na Jaanay Kab Kahaan Pe Umer Ki Yeh Dor Kat Jaaiy
Main Apnay Aur Tumhaary Beech k In Faaslon Ko
Chand Saanson Ki Kami Se Haar Na Jaaon
Bisaat-a-Jaan Par Phaili Dooriyon k Bojh Ko Le Kar
Yunhi Mar Jaaon...!
Mere Saahir Se Keh Dena..........
K Uss k Ishq k Talism Se Ab Tak Woh Nahi Niklay
K Jin Ko Uss Ki Aankhon Ne Faqat Ik Baar Dekha Tha

Mere Saahir Se Keh Dena
K Saaray Shehar Ko Mere
Yunhi Patthar Na Rehnay De
Mere Talism Kadon Mein Laut Kar Aaaiy
K Woh Patthar Tarastay Hain
Tumhaari Chashm Ki Jumbish Unhein Ik Baar Phir Kar De
Kisi Zee Rooh Ki Manind

Mere Saahir Se Keh Dena...............
Bichar Kar Tum Jo Miltay Thy
To Yun Mehsoos Hota Tha
K Jaisay Marg k Dhundley Kinaaron Tak Pohanchaty Hi
Adhoora Kaam Koi Zindagi Ko Yaad Aa Jaaiy
Kaho Phir Se Chala Aaiy
K Uss k Laut Aany Se
Hamaari Doobti Nabzon Ko Phir Se Saans Aa Jaaiy
Agar Sehra Se Guzro To
Mere Saahir Se Keh Dena..........!!!!!!!!!!

Khasaray baant letay hain

Chalo aisaa karain mil kar sitaray baant letay hain
Zaroorat kay mutabiq hum, saharay baant letay hain

Muhabbat karnay waloan ki tijarat bhi anokhi hai
Nafa chor daitay hain, Khasaray baant letay hain...

Jo Meri aankhon se Khuaab dekho

Jo Meri aankhon se Khuaab dekho
To Aik shab bhi na So sako Gey

Ke Laakh Chaho Na Hans sako gey
Hazaar chaho na Ro Sako gey’

Ke Khuaab kya hain Azaab Hain ye
Mere Dukhon ki kitaab hain ye

Rifaqatain In main Chotti hain
Mohabbatain in main Roothti hain

Pinapti Hain In main Vahshatain see
Azyatain In main Photti hain

Un hi ke Dar se Khizaan Hain Jazbay
Un hi se shakhain see tot’ti hain

Ghamon ki Bandish hain Khuaab mere
Ugal Raha hai Dukhon ka Lava

Rahen Aatish hain khuaab Mere
Khayal sare Jhulaas gey hain

Sulagti Khuahish hain khuaab Mere
Ukharrti Sansain hain Zindagi ki

Lahu ki Sazish hain Khuaab Mere
Jo Meri aankhon se Khuaab dekho

To Aik shab bhi na So sako Gey!

Hay Dil bhi Muztarib,

koi dhundla sa ik chehra meri ankhon main rehta hai
koi bhatka sa ik JuGnO mere khawabon main rehta hai

ik manoos si awaz mujhay sonay nahin deti
koii uljha sa ik jumla meri yadon main rehta hai

mujhay khud per nahin qabo na main kuch bol sakta hon
asar yeh kis k lafzon ka meri baton main rehta hai

december ki khunak ratain mujhay bechain rakhti hain
lamas ka aik haath ab tak meri sochon main rehta hai

hay dil bhi muztarib, ehsaas bhi, sochon ki uljhan bhi
yeh kis ki ankh ka ansoo meri ankhon main rehta hai

Kaash Mujhay Bhi Batain Aateen ...!

Mujh ko Batain kab ati Hain ?

Main toa bas, Khamosh Sa Shayar

Ulfat chahat ky Rangoan se
Dil ki khali Tasweero mai
Koi Muhabbat Likh daiTa hn

Aur kabhi...

Dewaar se lag kar
Koi Muhabbat Ro daita hoon

Aur kabhi ankhon ankhaon mai
Sari batain kehjata hoon!

Main toa ik khamosh sa Shayar...
Mujh ko batain kab aati hain?

Mujhko batain gar aateen to !

Tum kiya mujhko chor ker jaateen ?
Meray sapnay toar kar jateen ?
Kiya meri Ankhaon mai dukh kay,
Itnay anso dai sakti theen?

Mer kul sarmaya tha jo..
Kiya wo mujh se lai sakti theen?

Mujh ko batain karna gar aateen toa...

Main bhi tum se wo sab kehtaa
Jo tum sunnay ki khawahish mai
Saray Raastay bhool aai ho!

Main tehraa Khamosh sa Shaayar...

Tum bhi meray khawab Sajateen
Yun tanhaa na chor kar jaatein...

Kaash Mujhay Bhi Batain Aateen ...!

uJar geya

Mohsin, Dil-e-Ghareeb ki, Veraanian to dekh,
Kaisa Nagar tha Jo tery, Hathon uJar geya

Kaho Mujse Mohabbat Hai

Mohabbat ki tabiyat mein
Mohabbat ki tabiyat mein
Ye kaisa bachpana qudrat ne rakha hai
Ke ye jitni bhi purani, jitni bhi mazboot ho jaye
Issay tayed-e-taza ki zaroorat phir bhi rehty hai

Yaqeen ki akhri hadoo'n tak
Nigahon mein lehlatee ho
Ankhon mein chamaktee ho
Lahoo me jagmagatee ho
Issay izhar ke lafzon ki hajat phir bhi rehty hai

Mohabbat mangtee hai yu
Gawahi apne hone ki
Jaise ek tifal-e-sadaa
Shaam me beej boye
aur shab mein barha uthey
zameen khod kar dekhey, ke ye pauda kahan tak hai

mohabbat ki tabgiyat me
ajab takrar ki khu hai
Ke yeh izhar ke lafzon ko
Sunney se nahi thaktee
Bichadney ki koi ghadi ho
Ya milne ki koi saat

Isey bas ek hi Dhunn hai
Kaho Mujse Mohabbat Hai

Mujhay Batataa!

Wo dil ki batatain zamanay bhar ko yun na sunata, mujhay batata
Wo aik dafa toa meri muhabbat ko aazmata, mujhay batata

Zaaban-e-khalqat se janay kiya kiya wo mujh ko bawar kara raha tha
Kisi bahanay anaa ki dewaar girata mujhay batata

Zamanay walaon ko kiya pari sunain jo haal-e-dil-e-shikasta
Magar meri toa ye aarzo thi mujhay bulata, mujahy batata

Mujhay khabar thi kay chupkay chupkay usko andhairay nigal rahay hain
Main uski raah mai apnay dil ka diya jalata , mujhay batata

Muneer us ne sitam kiya kay shehar chor iya khamshi kay saath
Main uski khaatir ye dunyaa chor jataa, mujhay batataa!

Haqeeqat Tod Deti Hai

Khwaab Aur Haqeeqat Main
Farq Shayad Itna Hai

Khwaab Toot Jaata Hai
Haqeeqat Tod Deti Hai ....!!

Uljha Hoa

Suljha Hoa Sa Fard Samjhtey Hain Mujh Ko Log
Uljha Hoa Sa Mujh Me Koi Doosra Bhi Ha....!

Waqt ko guzarna ha

Moot ki haqeqat
Or zindigi ke sapnay ki
Behass go puranii ha
Phir bhe aik kahanii ha
Or kahaniyan bhe to
Waqt se ebarat han
Lakh rokna chaheen
Waqt ko guzarna ha
Hustay bustay shehroon ko
Aik din ujarna ha
Chahateen hawayeen han
Chahateen sadayeen han
Kia kabhii hawayeen bhe
Dastarus main rehtii han ?
Kia kabhii sadayeen bhe
Kuch palat kar kehtii han ?
Pyar bhe nahii rehta
Or pyar ka dukh bhe
Ansuyoon kay darya ko
Aik din utarna ha
Waqt ko guzarna ha …

Woh shumar tha meri duaoon ka

Woh shumar tha meri duaoon ka usay kis ne apna bana liyaa..
Meri ankh kis ne ujjaar dii mera khwaab kis ne chura liyaa..

Tujhe kiyaa batainn k dilnasheen tere ishq main teri yaad main...
Kabhi guftogu rahi phool say kabhi chand chat pe bula liyaa..

Meri jung ki wohi jeet thi meri fatah ka wohi jashan tha..
Main gira to dor ke uss ne, mujhe bazuoon main utha liyaa..

Mere channd chonay ki hasratain mere khushboo hone ki khwahishen...
Tu milaa to aisa laga sanam mujhey jo talab thi wo pa liyaa..

Dozakh

Mein ne duniya mein he dozakh ki aziiat pa li
Apne ehsaas ko rishtoo k hawalee ker k

Mohabbat

Mohabbat Un Dino Ki Bat Hei Faraz
Jab Makaan Kachay Or Loog Sachay Hoa Karte Thay

Zindagi !

Zindagi ! jisy Log, Marham-e-Ghum jaanTy hn
Kaisy Guzari hy ... Hami JaanTy hn !

Meri Maan ki Dua n Aasman ko Raok rakha hai

mukhalif waqt aur her badgumaan ko rok rakha hai
her ik haasid ke zehreeli zubaan ko rok rakha hai
utartii hii nahi koi musibat iss liye
meri maan ki dua ne aasman ko rok rakha hai

Chalo ik nazm likhte hain

Chalo ik nazm likhte hain,
Kisi k nam karte hain,
Magar ye sochna hai ab,

K us me zikr kis ka ho,
K us me baat kis ki ho,
K us me zat kis ki ho,

Aur ye bhi farz karte hain,
K jis pe nazm likhte hain,
Humain us se muhabbat hai,
Hamare sare jazboon ko,
Bus us ki hi zarorat hai,

Chalo ik kam karte hain
K ham jo nazm likhte hian

Tumhare naam kerte hain
Tumhi unwaan ho is ka

Tumhara zikr hay is main
Tumhari baat hay is main
Tumhari zaat hay is main

Kabhi yon Jo ho kiSi Din agr

kabhi yon jo ho kisi din agar
kabhi to jo sar E raah miley
mein hazar lamhon ko khench kar
ye jo chalta waqt hay...bandh don

ye jo gardishein hein zameen ki
isi aik lamhay pe ruki rahein

mein taka karon tujey jazab say
yonhi pyar say yonhi shoq say
teri har ada ko samet lon
mein hisar e jaan mein saja rakhon

to jo pas ho to mein je sakon
to jo door ho,, na jia karon...!!!

kabhi yon jo ho kisi din agr
merye humsafar to jo na milay

mein hazar dharkanon ko khench kar
ye jo chalta dill hay...bandh don

ye jo silslay hein meri sans k
teri doori mein he haar don

to jo paas ho to mein jee sakon
to jo door ho...na jia karon...!!!!

Aik Shair

Muhabbat , Hijar, nafrat, mil chuki h
Main taqreeban mukammal hochukaa hoon !

Yaqeene Kamil

Mere Mola!
Mere Malik!
Mujhe is ka yaqeen hai k
Mujhe teri nigahoon mein koi mansab dilane ko
Mujhe tera banane ko
Mere sare gunahoon ko yakmusht hi mitane ko
Wo ik ansoo hi kafi hai
Jo tere khauf se nikla.

Mujhy Mitti ka Ghur Acha laga

soch k main nay chuni hay akhri aram gah
main tha mitti or mujhy mitti ka ghr acha laga

manzilon ke baat choro kis nay payen manzelain
ik safar acha lga,ik hmsafar acha laga

Muhabbat tark ki main ne

Muhabbat tark ki main ne, giarebaan si liya main ne
Zamanay ab toa khush ho, zehar ye bhi pi liya main ne

Abhi zinda hoon lekin sochta rehta hoon khilwat mai
kay ab tak kis tamanna kay saharay ji liya main ne

Unahin apna nahi sakta magar itna bhi kiya kam hai
kay kuch muddat khawaboan mai kho ker ji liya main ne

Bas ab toa daman-e-dil, choar doa baikaar ummedoa!
bahut dukh seh liay main ne, bahut din ji liya main ne!!!!

Sahir Ludhyanvi

Usey Mujh Se Muhabbat hai ...

wohi takraar lafzon ki
wohi andeshay furqat ke

wohi anjaan si dastak
wohi gum-naam si kasak

wohi her baat pe ranjish
wohi her baat pe larna

wohi likhna hamare naam ko bay-rehem maujon per
wohi apni kitaabon me gulaabi titliaan rakhna

wohi bay-maani baaton me hamara zikr lay aana
mujhey parday se chup ke daikhna aur muskura daina

wohi muskaan dheemi see
wohi kuch bolti aankhein

wohi chup chaap sa lehja
wohi bay-chain se halchul

wohi saaey se ghabraana
wohi kehnay se kuch darna

sabhi aasaar kehtay hain
usey mujh se muhabbat hai!

Tere Siwa

Mere Humsafer, mere Hum-nasheen
Main ne Rab se manga to kuch nahi
Main ne jub bhi mangi koi dua!
Nahi manga kuch bhi "Tere Siwa"
Ye talab kya k mera Khuda!
Sabhi rahtain, Sabhi chahtain,
Wo ata kre tujhe manzlain,
Ye talab kya k mera Khuda!
Tujhe Baksh de,
Tujhe Taj de
Tujhe Takht de,
Mere Humsafer,
Mere Chara-ger,
Ye hai mohabbat ka khatan safer
Mere sath chalna zra soch ker
Zra dekh to mera hosla
Mere paas jo bhi wo hai tera
Nahi aur kuch bhi tere siwa
Meri Dosti
Meri Zindgi
Meri Khamoshi
Meri Be-basi,
Mera Ilm bhi
Mera Naam bhi,
K meri Subha
K meri Sham bhi
K jo mil saken mere Daam bhi,
Wo sabhi kuch tujh ko ata kre;
Mere chara gr tu yaqin to kr
Mujhe mangna to na aa ska
Main ne phir bhi mangi yehi Dua
K gwahi de ga mera Khuda
Maine jub b us se talab kya!
Nahi manga kuch bhi "Tere Siwa"

Suno Tum Lout Aao Na

Suno tum lout aao na
Jahan TUm ho wo Duniyaan kab Tmhari hy
K Suraj Dhal gaya hy
Aur Haseen ik Sham Utri hy
Wo dekho chand nikla hy, Sitary Jagmagaty hain
Hamari Mantazir ankhain Duaian mangti ankhain
Tmhy hi Sochti ankhain
Tmhy hi Dhonti Ankhain
Tmhy Wapis bulati hain

Suno Tum lout aao na
Tmhara Aks phir Shaid
Meri palko ma utra hay
Koi Aansoo agr aaya
Baha kr ab na ly jaey

Suno tum lout aao na
Ye Dil jub bhi Dharkta hy
Tmhara naam leta hy
Ye Ansoo jab bhi behtay hain
Tumharay dukh ma behtay hain
K barish jab bhi hoti hy
Tumhi ko yaad krti hy
Khushi koi Jo aey’Tumhary bin adhori hy
Suno Tum Lout Aao na
Ab Lout Aao Na………

Udaas mat howa kero

Tumhen udass dekh ker
kisi k rang kho gae

kahin pe chand bujh gya
kahin sitaray so gae

kahin pe barishon ki rutt!!
ghazab ki piyas ban gai

koi bahar roth ker
sarapa-e-aass ban gae

kisi k musam ko yun
azab mat dia kero

udas mat howa kero

Mujhay Tum Yaad Kartay Ho

Bahut Mudat Se Aisa Hai...
Kay Tum Khamosh Rehtay Ho

Koi Gehra Hai Ghum Shayad....
Jisay Chup Chap Sehtay Ho!

Yunhi Chaltay Huay Tanha,
Koi Ghumgeen Sa Naghma....

Tum Aksar Gungunatay Ho!
Doran-E-Guftago Yunhi....

Milein Nazroa Se Jab Nazrain.....
Toa Batain Bhool Jatay Ho!

Kisi Gum Sum Si Halat Main...
Ya Phir Barish Kay Mosam Mai...

Faqat Itna Hi Kehtay Ho,
Udasi Bai Waja Si Hai!

Bahut Bojhal Tabiyat Hai...
Bhala Sach Kion Nahi Kehtay??????

"Mujhay Tum Yaad Kartay Ho!!!!""

Jo Khushi Tumhaaray Qareeb Ho

Jo Khushi Tumhaaray Qareeb Ho
Wo Sadaa Tumhen Naseeb Ho

Tujhe Wo Khuloos Milay Ke Jo
Teri Zindagi Pe Muheet Ho

Jo Mayaar Tum Ko Pasand Ho
Jo Tumhaaray Dil Ki Umang Ho

Teri Zindagi Jo Talab Karay
Tere Hamsafar Ka Wo Rang Ho

Jo Khayaal Dil Mein Aseer Ho
Or Dua Mein Bhi Taaseer Ho

Tere Haath Uth-Tay Hi Khuda Karay
Tere Saamnay Taabeer Ho

Tujhay Wo Jahaan Milay Jidhar
Ghamon Ka Koi Guzar Na Ho

Jidhar Roshni Ho Khuloos Ki
Or Nafraton Ko Khabar Na Ho...

Koi Aisa Shakhs Huva Karay

Mere Dard Ki Jo Dava Karay Koi Aisa Shakhs Huva Karay
Voh Jo Be-Panah Uddass Ho, Magar Hijr Ka Na Gilla Karay

Meri Chahatien Meri Qurbatain Jissay Yaad Aain Qadam Qadam
To Voh Sab Say Chup Kar Libass-E-Shab Mein Lipat K Aah-O-Baqa Karay

Barhay Uss Ka Ghum To Qaraar Khoo Day Voh Mere Ghum K Khaiyal Say
Ut’thien Hath Apnay Liyay To Phir Bhi Mere Liyay Hi Dua Karay

Yeh Qasas Aheeb-O-Ghareeb Hain, Yeh Mohabbatoon K Naseeb Hain
Mujhay Kaisay Khud Say Juda Karay?!?! Ussay Kuch Batao Kiya Karay?!?!

Bara Shoor Hay Mere Shehr Mein Kissi Ajanbi Kay Nazool Ka
Voh Meri Hi Jaan Na Ho Kahien, Koi Kuch To Ja Kar Pata Karay…!!!

Ik dil walon ki basti thi,

Ik dil walon ki basti thi,
jahan chand or sooraj rehtey thay,

kuch sooraj mann ka pagal tha,
kuch chand bhi shokh or chanchal tha,

basti basti phirtey thay,
har pal hanstey rehtey thay,

phir ik din dono rooth gaye,
or saare sapney toot gaye,

ab chand bhi us waqt aata hai,
sooraj jab so jata hai,

badal shab se kehte hain,
sooraj uljha sa rehta hai..
chand ke sath sitaare hain,
per sooraj tanha rehta hai!

Chupke Chupke Ro lena

Jab seena gham se bhojal ho aur yaad kisi ki aati ho
Tab kamrey me band ho jana aur chupke chupke ro lena

Jab ankhain baagi ho jayen aur yaad me meri bhar aayen
Phir khud ko dhoka mat dena aur chupke chupke ro lena

Jab palkein karb se moondi hon aur sab samjhain tum soye ho
Tab munh per takkiya rakh lena aur chupke chupke ro lena

yeh duniya zaalim duniya hai, yeh baat bohat phelaaye gi
Tum saamney sab k chup rehna aur chupke chupke ro lena

Jab barish chehra dho daaley aur ashk bhi boondain lagti hon
Woh lamha hargiz mat khona aur chupke chupke ro Lena!!!!!!

Tum sy kuch nai kehna

Hum ny soch rakha hy
chahy dil ki hre khwahish
zindagi ki ankhon sy ashk bn kr
beh jaaye

Chahy ab makenon pr
ghar ki saari deewaaryn chut samait gir jaayn
or by muqaddar hum
is badan k mulby mn khud hy kyun na dub jayn
tum sy kuch nhn kehna

Kaisi neend the apni kaisy khawab thy apny
or ab gulaabon pr
neend waali aankhon pr
narm khoo sy khwaabon pr
kyun azzaab tooty hyn
tum sy kuch nhn kehna

Ghir gaye hyn raaton mn
by libaas raaton mn
is tarha ki raaton mn
kub charagh jalty hyn
kub azaab talty hyn
ab to in azaabon sy buch k bhi nikalny ka koi rasta nhn jaanaan

Hum ny soch rakha hy
Tum sy kuch nai kehna.........

Bina ik Lafz boly Wo gai or Phir nHi ai

Bazahir aam lehjay me
kaha tha main ne jab us se

"Badal lo raasta apna
juda raahain yahin kar lo
hamaray chahnay na chahnay se
kuch nahi hota
ye hi sach hai keh hum do mukhtalif
raston ke raahi hain
to phir keyun dil ki maaney hum
shuru me manta hoon main
azziyat dil ko pohanchay gi
magar phir waqt guzray ga
sabhi zakhmon ko bhar de ga"

Meray is aam se lehjay pe wo
ik pal ko chonka thee
meri aankhon me aankhain daal kar
hairat se poocha tha

"Ye sab jo kah rahy ho khud ko ye samjha bhi paao gy?"

Bohat hi jee karda kar ke
main us dam muskuraya tha
bohat khud pe jabar kar ke
main us se keh ye paya tha

"Meri tum fikr rehnay do
sambhal jaoon ga main khud hi
sabhi zakhmon ko sii loon ga
bhula kar sari batoon ko
akaila bhi main jee loon ga"

Bohat hee be yaqeen aakhon se
us ne mujh ko dekha aur
Bina ik lafz bolay wo gai or phir nahi ai

Aur ab tark-e-taalluq ko
agarche umar beeti hai
magar is dil pe us ki zaat ka
jo naqsh qaaim tha
kabhi dhundla nahi hota

mujhay mehsoos hota hai
keh jaisay meray kanoon me
wo apni bolti aankhon se
sargoshi si karti hai

"Wo Sab Jo Keh Rehy thy
Khud Ko Wo Samjha Bhi Paye Ho?"

Ab ho chala yaqeen keh burey hum hain dosto,

Tum bhi khafa ho log bhi barham hain dosto,
Ab ho chala yaqeen keh burey hum hain dosto,

Kis ko hamarey haal se nisbat hai kaya kahain,
Aankhain to dushmano ki bhi purnam hain dosto,

Apney siwa hamarey na honey ka gham kisey,
Apni talaash mein to hamee hum hain dosto,

Kuch aaj shaam hee se hai dil bhi bhuja bhuja,
Kuch shehar ke chiraagh bhi maddham hain dosto,

Iss shehar e aarzoo se bhi baahir nikal chalo,
Ab dil ki ronaqain bhi koyi dam hain dosto!!!!!!

Suno!

Suno!

Tum Azm waley ho
Bala ka zabt rekhtey ho
Tumhy koch bhee nahi ho ga

Magar daikho !

Jisey tum chor jatey ho
oosey to theek sey syayed
Bicherna bhi nahi ata,

Udasiyon ka sabab jo likhna

Udasiyon ka sabab jo likhna
to yeh bhi likhna…

key chand taaray, shahab
ankhain badal gaye hain.
wo zinda lamhay jo teri rahon mein,
teray anay key muntazir thay;
wo thak key saayon mein dhal gaye hain.

wo teri yadein, khyal teray, ranj teray, malal teray
wo teri ankhain, sawal teray
woh tum sey meray tamam rishtay bichar gaye hain.

udasiyon ka sabab jo likhna
to yeh bhi likhna…
larztay honton pey larkrhati dua key suraj
pighal gaye hain…
tamam sapnay hi jal gaye hain

Mohabbat Thair Jaati Hai

Hum aksar yeh samajhtay hain
jisay hum piyaar kartay hain
usay hum bhool baithay hain

magar aisa nahin hota

mohabbat daimi such hai
mohabbat thair jaati hai !!!
hamari baat kay andar
mohabbat baith jaati hai
hamari zaat kay andar

magar yeh kam nahin hoti

kisi bhi dukh ki soorat mein
kabhi koi zaroorat mein
kabhi anjaan se gham mein
kabhi lehjay ki thandak mein
udaasi ki zaroorat mein
kabhi baarish ki soorat mein
hamari aankh kay andar
kabhi aab-e-rawan ban kar
kabhi qatray ki soorat mein

bazahir aisa lagta hai
usay hum bhool baithay hain

magar aisa nahin hota

Raston kee marzi hai

Bay zameen logon ko
Bay qarar aankhaon ko
Badnaseeb qadmon ko
Jis taraf bhi lay jayen
Raston kee marzi hai

Bay-nishan jazeeron pe
Bad guman shahron me
Bay zuban musafir ko
Jis taraf bhi bhatka dain
Raston kee marzi hai

Rok lain ya barhney dain
Thaam lain ya girney dain
Wasal ki lakeeron ko
Tor dain ya milney dain
Raston kee marzi hai

Ajnabi ko le kar
Humsafar bana daalain
Sath chalney valon ki
Raakh bhi urra daalain
Ya musafatain sari
khaak me mila daalain
Raston kee marzi hai!!!!!!

Aik Shair

Tum is Shehar k KhuLoos s Waqif nHi Faraz
Yeh to Mohsin ko bhi Sar-e-Aam Saza daiTy hn

Ta'aluq Rooth Jane Se Kabhi Tuta Nahi Karte...

Main sun k uski sab batien...
faqat itna he kehta hoon...

khafa hona...
mana lena...

yeh sadion se riwayat hai...
mohabbat ki alamat hai...

gilay shikway karo mujh se...
tumhein yaara ijazat hai...

magar ek baat meri bhi...
zara tum yaad rakh lena...
kabhi aisa bhi hota hai...
hawaiyen rukh badaltin...
khizayen lot aati hai...
katayen ho he jati hai...

khata hona bhi mumkin hai...
khafa hona bhi mumkin hai...
hamesha yaad rakhna tum...

Ta'aluq Rooth Jane Se Kabhi Tuta Nahi Karte...

Main Tanhayee PehanTa hon

Main tanhayee pehan-ta hon
Udasi k ujaar angaan main mehroomiyoon k zard patty chunta hon
Meri ankhooon m aik muddat se jug-raty bharay hain'
Mery hontooon pe chispaa h chitakhtii hichkiyaan
Chehryy pe dukhtii hasrateen hain
Main apni zaat m ujray huay gaoon ka mela hon...
Mery yaroo..!!
Tumharya stah reh kr b akaila hon...!!!
Tumhain tuu khud sanwarnaa hai
Tumhari khuahishoon k baam-o-dar pe roshni k phool khilna hain
Tumahin likhna hia apni saans ki garmi se...
Neendoo ka safar nama..
Meri sangaat main mut baithoo...
K..mian pathhar ka mahbas hon
K..main mehroomiyoo k shehr ka basii
Meri kismat..udasi,kum libasi,na-shanasii hai!!
Meri sangaat m mut baitho,mujhy milnay se katraao
Khud apnay dil ko smjhaoo....
Mery nazdeek mut aoo......
Mery dil main andheera hai...
Aur.....
YEH ANDHEERA SIRF MERA HAI...

Mukammal bus khuda ki zaat hoti hai!

Usy kehna!
Mukammal kuch nahi hota
Milan bhi na mukamal hai
Judai bhi adhoori hai
Yahan ik mot poori hai!

Usy kehna!
Udasi jub ragoon mein
Khoon ki manind uterti hai
Bohat nuqsan kerti hai!

Usy kehna!
Parindon ki judai pe
Shajar jub baen kerty hein
Bohut baychaen kerty hein!

Usy kehna!
Bisat e ishq mein jab maat hoti hai
Dukhon k shehr mein jab raat hoti hai
Mukammal bus khuda ki zaat hoti hai!

Me Manta hoon apni Haar usay kehna!

Bikhar rahi hay meri zat usay kehna
Kabhi milay to yehi baat usay kehna

Wo sath tha to zamana tha hamsafar mera
Magar ab koi nahi meray sath usay kehna

Usay kehna k bin us kay din nahi kat-ta
Sisik sisik k kat-ti hay raat usay kehna

Usay pukaron k khud hi pohanch jaon us k pass
Nahi rahay wo halaat usay kehna

Agar wo phir bhi na lotay to a meray meherban Qasid
Hamari Zeest k Halaat usay kehna

Har jeet us k naam kar raha hoon me
Me Manta hoon apni Haar usay kehna!

Aik Shair

kisi ko ghar se nikalte he mil gai manzil
koi hamari tarah umr bhar safar mein raha

Ek Zara c Ranjish se

Bheer main zamanay ki
Hath choot jatay hain
Dostdar lehgoon main silwatain se partin hain
Ek zara se rangish say
Shak ki zard tehni per, Phool badgumani kay
Is tarah say khiltay hain
Zindage say piyaray bhe
Ajnabi say lagtay hain, Ghair bun k miltay hain
Umer bher ki chahat ko aasra nahi milta
Dasht-e-bayakene main rasta nahi milta
Khamoshi kay wakfon main
Baat toot jati hai or sira nahi milta
Ma`zrat kay lafzon ko roshni nahi milte
Khaak urnay lagte hai
Khowab toot jatay hain
Or yakeen kay dhagay bhe
Pal main toot jatay hain
Ek zara se rangish say
Sath toot jatay hain
Bheer main zamanay ki
Hath choot jatay hain
Khowab toot jatay hain

Mujhe Ranj hy Yeh Bura hua !

Mujhe apne zabt pe naaz tha, sare bazm raat ye kya hua
Meri aankh kaise chhalak gayi mujhe ranj hai ye bura hua

Meri zindagi ke charagh ka ye Mazaj koi nayaa nahin
Kabhi raushni, kabhi teergi, Na jalaa hua Na bujha hua

Mujhe raaste mein pada hua kisi badnaseeb ka khat mila
Kahin khoon-e-dil se likha hua, kahin aansuon se mita hua

Jo nazar bacha ke guzar gaye, mere saamne se abhi abhi
Ye mere sheher hi ke log the mere ghar se ghar mila hua

Mujhe humsafar bhi mila koi, to shikasta haal meri tarah
Kahin raaston ka lutaa hua kahin manzilon ka thaka hua

Koi bhi FaisLa kr Lo

Tumhay jaana ijazat hay
koi bhi fesla kerlo
hamarey muntazir tehro
ya humko alwida kehdo

hamarey naam se mansoob kerlo naam ko apnay
ya apna naam dey k tum kissi k meet ban jao
tumhay janaa ijazat hay
koi bhi fesla kerlo

hamarey paaon may tu waqt ki zanjeer lipti hai
buhat nidhaal hain hum tu dukhon ki aazmayesh may
buhat mumkin hai thak jao hamarey saath chal ker tum
muhabbat ki thakawat tumko humse badgumaan kerdey
tu is se qabal k her ek wapsi ki rah kho jaay
jo socha bhi nahi humne kabhi wo kal ko hojay
tumhay janaa ijazat hay
koi bhi fesla kerlo

hamara tumse wada hai, tumhari yaad ko hum tu
sadda dil k darechay may yonhi aabad rakhay gain
k dil tuta rahy her pal labbon ko shaad rakhain gain
tumhay janaa ijazat hai
koi bhi fesla kerlo

tum apnay hosloon may jab thakawat c kabhi paao
ulajh jao masa'yil may, wafa ko na nibha paao
kissi pyarey se mukhray ki haseen aankhon may kho jao
ijazat hay tumhay janaa
ager is pal jo tum chahoo
koi bhi fesla kerlo
hamarey muntazir tehro
ya humko alwida kehdoo!!!!

Suno Achha Nahi Lagta

suno achha nahin lagta
karay jab tazkira koi
karay jab tabsira koi
tumhari zaat ko khojay
tumhari baat ko sochay
mujhay achha nahin lagta

suno achha nahin lagta
tumhari muskurahat per
hazaron log martay hon
tumhari aik aahat per
hazaron dil dharaktay hon
kisi ka tum pe youn marna
mujhay achha nahin lagta

suno achha nahin lagta
hawa guzray tumhain chhoo ker
na ho ga zabt yeh mujh se
karay gustaakhian tum se
mujhay achha nahin lagta

suno achha nahin lagta
k tum ko phool bhi daikhain
tumharay paas woh mehkain
ya chanda ki guzarish ho
k apni roshni bakhshoon
rukh-e-janan koi daikhay
mujahy achha nahin lagta
mujahy achha nahin lagta

Mohabbat Chor de Hum ny

Abi jo laut ke phir tum
Hamare dar pe aaey ho
Ye tum sy keh dia kiss ny
K tum bin reh nahi sakte?
Yeh dukh hum seh nahi saktay?
Agar tum jan'na chaho
K aisa kiun kia hum ne
Ye dukh kiun seh lia hum ne?
To sun lo gaur se jana
Purani, ehd e rafta ki rivayat tor di hum ne
MOHABBAT CHOR DI HUM NE!!!

Aib

Mery HaThon ke LakeeRoan m yeh Aib h Mohsin
Main jis Shukhs ko chu lun, Wo maiRa nHi rehTa

Kabhi ka rond dala hai !!!

Kaha Uss ne k shakhon se
Juda phoolon ko karne ki,
hawaon ki jo saazish hai,
Ussey acchi nahi lagti!!

Faqat ik pal ko g chaha
Issey itna tou keh doon aaj,
Mohabbat phool ki in pattiyon se
badh k nazuk thi
Jissey qadmon taley uss ne,
Kabhi ka rond dala hai !!!

Aik Dua

Kal Raat Ur rhey thy Sitarey Hawa K Saath
Aur Main Udaas Betha Tha Apney Khuda K Saath

Ya Tau Qabooliat K Tareeqey Sikha Mujhey
Ya Mere Dil Ko Baandh De Apni Raza K Saath…!

Main Apna Ajj Apna Kal Tumharey Naam Karta Houn

Main Apna Ajj Apna Kal Tumharey Naam Karta Houn
Main Iss Jiwan Ka Har Ik Paal Tumharey Naam Karta Houn

Mera Guzra Hoa Kaal Tu Meray Mazi Ka HIssa Hai
Main Apna Ajj Apna Kaal Tumharey Naam Karta Houn

Khazainy, Sardiyan, Garmi, Baharain, Barishain, Jarah
Main Har Maousaam Ka Har Har Paal Tumharey Naam Katra Houn

Tumharey Dukh, Udassi, Gham, Sabhi Ranj-o-Alam Ley Kar
Main Yeh Khushioun Bhari Chahgaal Tumharey Naam Kartta Houn

Sitaarey Assman Key Tumhari Maang Main Bhar Kar
Shabey-Terah Ka Sab Kajal Tumharey Naam Karta Houn

Tumharey Bin Har Ik Paal Mujhe Be-chain Rakhtta Hai
Main Apna Dill Jo Hai Bekal Wo Tumharey Naam Karta Houn

Barasta Bhigtta Mousam Kamzoori Hai meri Laykien!
Main, Yeh Sawaan Ghatta Badaal Tumharey Naam Karta Houn

Tasalsul Toot Jayga

Na cherro khilti kalyon
hunstay pholon ko
in urti titliyon,awara bhanvron ko
tasalsul toot jayga

Fiza mehv e sama'at hy
Haseen honton ko naghma rez rehne do
nigahen nechi rakho or mujassim gosh ban jao
agar junbish labon ko di
tasalsul toot jayga

Hawa se pat'tiyan sargoshiyon men mehv hen
or jhomti shakhon k jholon men
parindon ki chehek se sara sahil
sarmadi ehsas men doba hua
sarshar o shadan hy
agar kankar bhi satah e aab par mara
tasalsul toot jayga

ufaq men dobty soraj ka manzar
is bulandi se zara dekho
isi rangen kinaray par
shfaq sona lutaye gi
yun hi tum be-his o sakit raho
ese men palken bhi zara jhapken
tasalsul toot jayga

wo khuabeda hy,khuabeda hi rehne do
na janay khuab men kin wadiyon ki sayr karti ho
bulandi se phisalte absharon men kahin gum ho
falak aasaar choti par kahin mehv e tarannum ho
agar awaz di tumne tasalsul toot jayga

KhamoShi

Ktni DiLKush h usKi KhamoShi
Sari BaaTain faZooL hn jaiSy

Zakham

Is ko ghuLaf-e-Rooh m rkHa tha SanbhaaL k
Mohsin wo Zakham bhi, to kiSi aashna ka tha

Hud Sur

KiSi dehLeez p bhi Sur nhi jhuKny daiTa
wo jo ik Shukhs Chupa baiTha h, Hud Sur mjh main

Aik Shair

Hawa k pehLy he jhoNky sy Haar Maan gy
Wohi Charagh jo Hum ny Bacha k Rukhy thy

Hum Aaj b Khamosh rehy

DiL ka MosaM kbhi, GhaiRon p Aian krTy nHi
Toot kr BikhRy mgr Zabt ke Aaghosh m rehy
Wo taiRa Shaoor tha to Zurf k PehLu m reha
Zurf yeh aPna hy, Hum Aaj b Khamosh rehy

Ek khalish

Ek khalish ab bhi mujhe bechain karti hai Faraz
Sun ke meri marne ki khabar,wo roya kyun tha..!

Main ab sonay se darta hoon

Kaha tha na
Mujhe tum is tarha sotey huye mat chor kar jana
Mujhe beshak jaga dena
Bata dena
Mohabbat ke safar mein saath mere chal nahin sakti
Judayee ke safar mein mere saath chal nahin sakti
Tumhein rasta badalna hai
Meri had say nikalna hai
Tumhein kis baat ka darr tha ?
Tumhein janay nahin deta ?
Kahein per qaid kar leta ?

Aray Pagli

Mohabbat ki tabyat mein zabardasti nahin hoti
Jisay rasta badalna ho usay rasta badalney se
Jisay had se nikalna ho usay had se nikalney se
Na koi rok paya hai
Na koi rok paye ga

Tumhein kis baat ka darr tha
Mujhe beshak jaga detein
Main tum ko dekh hi leta
Tumhein koi duaa deta
Kam-az-kam yuun to na hota
Mere saath haqeeqat hai

Tumaray baad khonay ke liye aab kuch nahi baaqi
Magar khonay se darta hoon
Main ab sonay se darta hoon......!!!!!

Ajnabi ajnabi si rahon ka ek ajnabi musafir

ajnabi ajnabi si rahon ka ek ajnabi musafir
mujh se pooch betha hai ...

rasta bata doge ????

ajnabi ajnabi si rahon ke ..
ajnabi musafir sun!!!!

rasta koi bhi ho ...
wasta koi bhi ho ...

manzilein nahi miltiiin ....

manzilein to dhoka hein ..
manzilein jo mil jaein ..

justujoo nahi rehti ..
zindagi ko jeene ki arzoo nahi rehti....!

Mjhy BikharNa tha

KHizaan ke dhoop s shikWa faZooL h Mohsin
Main yun bhi PhooL hn, Akhir, mjhy BikharNa tha.

Koi to ho !

Main Apny HisSy ky TamaM Sukh jisKy Naam kur Daloon
Koi to ho Jo Mujhy is Tarhan ka Payara ho !

udasi tum usay kehna

udasi tum usay kehna
Hawa key hath mein kuch bhi nahi hey
Aur
Sada weran phirtee hey
Tera bichra howa
Ujhrey howay shehroon mein akser bhagta phirta hey
Akser jagta phirta hey
So nahi paya hey
Aur udasi tum usay kehna
Tumhi dukh mein nahi ho
Hum bhi apni RAAKH
Hathoon mein liay aur siskiyaan leti howi Tanhayee key baal kholay bayn kerty hain

Udasi! Tum usay kehna
Tumhi dukh mein nahi tenha
Yahan bhi hawa key hath mein kuch bhi nahi hey
Khala jo zaat ki her char dewari key ander hey
Khabhi bhi bher na payee ga
Yahan bhi her sada Weeran phirty hey
Udasi tum usay kehna

Woh to sirf wehm o kkayal tha.

Osey apny fardar ke fikar te mujhy mera waqaf e haal tha.
Woh ju oske subhe aroj the wohe mera waqat e zawal tha.

Mere baat kisey woh manta mera dard kisy woh janta.
woh to kudh fana krny k safar pey ta osey rokhna bhe muhal tha.

Kaha jao gey mujhy chor k main yay puch puch k thak gaya.
woh jawab na mujko day saka Woh to kudh sarahpa saval tha.

Jo bhi oske samny a gaya wohe roshni my naha gaya.
Ajab oske ayete husn te ajb oska rung e jamal tha.

Pata nai wapsi osey kia hua na woh rosni na woh tazge.
Woh sitara kisy bikhar gaya woh to ap apni mesal tha.

§Woh mila ju sadiyoy k bad bhe mere lub pey koi gila na ta.
Osey mere chup ny rola dia jisey guftago mey kamal tha.

Mere sath lag k woh roh parha faqat itna mujku woh keh sakha.
jisey janta ta main zindage woh to sirf wehm o khayal tha.

Mohabbat phir mohabbat hai

Mohabbat phir Mohabbat hai
Kabhi Dil Se Nahi Jati

Lakhon rang hain is ke,
Ajab hi dhang hain is ke

Kabhi sehra , kabi darya,
Kabhi jugno, kabi ansoo

hazaroon roop rakhti hai,
Badan jhulsa ke jo rakh de,

Eo dhop rakhti hai
Kabi ban kar ye ek jugnoo

shab-e-gham ke andheron main
Dilon ko aas deti hai

Kabi manzil kinaray par
sadiyon ke musafir ko

faqat ek payas deti hai
Aziyat hi Aziyat hai

mohabbat phir mohabbat hai
Kabhi Dil se Nahi Jati.

Usay maine hi likha tha

Usay maine hi likha tha

k lehjey barf ho jayein
to phir pighla nahi kartey

parinday dar k urr jayein
to phir lota nahi kartey

usay maine hi likha tha

yaqeen uth jaye to shayed
kabhi wapis nahi aata

hawaon ka koi toofaan
kabhi barish nahi lata

usay maine hi likha tha

k sheesha toot jaye to
kabhi phir jurr nahi pata

jo rastey se bhatak jaye
wo wapas murr nahi pata

usay kehna woh be'maani adhoora khat
usay maine hi likha tha

usay kehna k deewanay
mukammal khat nahi likhtey...!

Fasly Aisy b Hongy Ye Kabhi Socha Nha Tha

Fasly Aisy b Hongy Ye Kabhi Socha Nha Tha
Samny bheta tha mere aur wo mera nha tha....

Wo jo khushbon ki trha phela tha mere chaar soo
main usy mehsoos tu kr skta tha choo skta nha tha....

Raat bhr uski hi ahat kan main athi rhi
jhank kr dekha gali main tera chehra nha tha....

Aj usny dard b apny alehda kr dye
aj main roya tu mere sath wo roya nha tha....

yeh sabhi viraniyan us k juda hony se thi
ankh dhundlayi hvi thi shehr dhundla nha tha....

Yaad Karky Aur b Taklif Huti Thi Adeem
Bhool Jany k Sewa Ab Koi b Chara nha tha...............

bujhay bujhay say ajib din hain

bujhay bujhay say ajib din hain khwab hai na khayal koi
na manzaron main koi kashish hai na mausmon main jamal koi

hm aik doojay ko apni apni adhori ankhon say daikhtay hain
hamari barson ki chahton par utar raha hai zawaal koi

jo hansna chahain to ashk niklain jo rona cahain to hanstay jain
hamaray jazbat girvi rakh kar bana raha hai misaal koi

AsooL aey...!

Durakhat e Jaan p azaab rut th. Na Burg aey, na PhooL aey
Bahar waaDi s jTny punchi, idher ko aey, maLooL aey

wo jiTni khushian, jo sub us ny chaahi, uTha k jhoaLi m apni rukh leen
Hamary hiSsy m uZer aey, Jawaz aey, AsooL aey...!

kahin mile to usse kehna

kahin mile to usse kehna
k tanha sawan bita chuka hoon
main saare armaan jala chuka hoon
jo sholay bharke the khuahishon ke
woh aansuon se bhuja chuka hoon..

kahin mile to usay yeh kehna k'
bagair uske udaas hoon main
badalti rut ka qiyas hoon main
bhujade apni mohabbaton se
sulagti sadion ki piyas hoon main

kahin mile to usay yeh kehna ke'
dia jo nafrat ka zehar usne
samajh ke amrit peeraha hoon
k bari mushkil se jeeraha hoon

kahin mile to ussay yeh kehna k
woh mere jazbe kuchal gaya hai
na badle mausam bhi itna jaldi
woh jitni jaldi badal gaya hai

kahin mile to ussay yeh kehna k'
fasl-e-nafrat gera raha hoon
gaye dino ko bhula raha hoon
woh apne vaade se phir gaya
main apne vaade nibha raha hoon

kahin mile to usay yeh kehna k
na dil main koi malaal rakhe
hamesha apna khayal rakhe
apne saare gham mujh ko dede
tamam khushian sambhal rakhe

kahi mile to usay yeh kehna.......

Mujhe Acha nahi lagta

Junoon-e-ishq yeh sara,mujhay achha nahin lagta
Mohabbat main ho dil hara,mujhay achha nahin lagta

Meri qismat main likhi hai andheron say shanasaai
Koi soorj,koi tara,mujhay achha nahin lagta

Mere izhaar-e-ulfat par na tum bolay,magar sun lo
Keh aisa kaam dobara,mujhay achha nahin lagta

Tera ehsaan nahin lena hai baad-e-marg bhi mujh ko
Mujhay kaandhaa na de yara,mujhay achha nahin algta

Yahan par husn ka parda chupata hai gunahon ko
Jo chehra ho bara pyara,mujhay achha nahin lagta

Bari hain mukhtalif sochain,kahan hoga nibaah apna
Tujhe achha jahan sara,mujhe achha nahin lagta

IK Taza Hikayat hai !!

IK Taza Hikayat hai !!
Sun lo to Inayat hai!

Ik Shaks ko dekha tha
Taron ki tarha Hum ne !

Ik Shakhs ko Chaha tha
Apno'N ki Tarha Hum ne !

Ik Shakhs ko Samjha tha
Pholon ki Tarha Hum ne !

Wo Shakhs Qayamat tha !
Kya us ki karen Baatein

Din Us ke Liye Peda,
Us ke Liye theen Raatein!

Kam Milna Sabhi se tha
Hum se theen Mulaqaten !

Rang Us ka Shahabi tha!
Zulfo'n men theen Mehkaren!

Ankhen theen k Jadu tha,
Palken theen k Talwaren!

Dushman bhi Agar Dekhen,
So Jaan se Dil Haren!

Kuch Tum se wo Milta tha
Baton men Shabahat men!

Haan Tum sa hi Dikhta tha
Shokhi men Shararat men

Lagta bhi Tumhi sa tha,
Dastur-e-Muhabbat men!

Wo Shakhs Hamen ik din!
Gheron ki Tarha bhoola

Taron ki tarha Doba,
Pholon ki tarha tota!

Phir Hath Na Wo aya,
Hum ne to Bohat dhunda!

Tum kis liye Chonkay ho?
Kab Zikr Tumhara hai?

Kab Tum se Taqaza hai?
Kab Tum se Shikayat hai?

Ik Taza Hikayat hai !!
Ik Taza Hikayat hai !!

Reet is Nagar ke Hay...

titliyon kay mousam main nochna gulabon ka
reet iss nagar kii hai aur jaanay kab say hai
dekh kar parindon ko baandhna nishaanon ka
reet iss nagar kii hai aur jaanay kab say hai

tum abhi naye ho na iss liye preshaan ho
aasmaan ki jaanib tum iss tarah say mat dekho
aaftain jub aanii hon, tootna sitaaron ka
reet iss nagar kii hai aur jaanay kab say hai

iss shehar kay bashinday nafrton ko bou kar bhi
intezaar kartay hain fasl ho muhabbat kii
chorr kar haqeeqat ko dhoondna saraabon ka
reet iss nagar kii hai aur jaanay kab say hai

ajnabi fizaaon main ajnabi musaafir say
apnay har taaluq ko daaimii samjh laina
aur jub bicharr jaana mangnaa duaaon ka
reet iss nagar kii hai aur jaanay kab say hai

khamoshi mera shewaa, guftugoo hunar unkaa
meri be-gunaahii ko log kaisay maanain gay
baat baat peh jub kay mangnaa hawaalon ka
reet iss nagar kii hai aur jaanay kab say hai

Tumhara khat mila

Tumhara khat mila
wo jis main tum ne poocha hay

woh jis main tum ne pocha hay
k ab halaat kaisy hain?
mare din raat kaisay hain?

meherbani tumhari hai.....

k tum ne is tar-ha mare halaat pochay hain
mare din raat pochay hain
tumhain sab kuch bta doonga

mujhe itna bata do k ,
kabhi saager kinare per kisi machli ko dekha hay?
k jis ko lehrain pani k kinare tak to laati hain
magar phir chor jati hain

mare halaat aise hain !
mare din raat aise hain...!

Main Ab Tak Chal Raha Hun

Bohat Din Se!

Mujhay Kuch An-Kahey Alfaaz Ne Be-Chain Rakha Hay

Mujhay Soney Nahi Detay
Mujhay Hansney Nahi Detay
Mujhay Ronay Nahi Detay

Yun Lagta Hay
k Jaisy Saans Seenay Mein Kahin Thehri Hui Hay

Yun Lagta Hay
K Jaisy Tez Garmii Mein

Zara Si Der Ko Barish Baras k Ruk Gayii Ho
Ghuttan Chaaron Taraf Phaili Hui Ho

Bohat Din Se!
Merii Aankhon Mein Sapnoon Ki
Koi Doli Nahi Utrii

Bohat Din Se!
Khayalon Mein Dabay Paaon
Koi Apna Nahi Aaya

Bohat Din Se!
Mery Jazbaat
Jo Merii Shairii k Mausamon Mein Rung Bhartay Thy

Kahin Khoye Hue Hain
Mery Alfaaz b Soye Hue Hain

Main Unko Dhoondney Iss Zindagi k Dasht Mein Nikla To Hun Lekin

Mujhay Maloom Hay, Jazbey!
Agar Ek Baar Kho Jayein
To Phir Wapis Nahi Miltay

Mujhay Maloom Hay Phir b
Abhi Ik Aas Baqii Hay

Main Ab Iss Aas Ki Unglii Pakarr Kar Chal Raha Hun
Ba-Zahir Shabnamii Thandak Mujhay Ghairey Hue Hay

Magar Main Jal Raha Hun
Main Ab Tak Chal Raha Hun...!!!

1 Shaiir

Mujh say har baar wo apni nazrain chura leta hai Faraz
Main nay kaghaz per bhi bana ker dekhi hain ankhain us ki

Ya phir se apna ho jaye

Wo jo bare sukh mein hay
Use kehna
K raat ka pichla pehr hay
Aur abi hum jaagte hein
Humari ankhon se neend koson door hay
Hamare lub abi tak us ke naghme gungunate hain
Hamara zehn ab bhe us ki baatein sochta hay
Kabhi hum huns dehte hain
Kabhi jee bhar ke rotay hain
Shab-e-tanhai ki yakh-basta hawao
Use kehna
Hum ab bhi ba-wazuu ho kar tumara naam lete hein
Use kehna
Ya apna Naqsh dho jaye
Ya phir se apna ho jaye

Kuch raaste kattay nahi tanha use kehna ....

Uss simt chale ho to bas itna use kehna ....
Ab koi nahi harf-e-tamanna use kehna ....
Uss ne hi kaha tha to yakeen mein ne kia tha,
Umeed pe kaim hai ye dunia use kehna ....

Kuch log safar k liye hote nahi mozun......
Kuch raaste kattay nahi tanha use kehna ....
Zarkhez zaminein kabhi banjar nahi hoti.....
Darya he badal laite hain raste use kehna ....

Kaati hai ghum ki raat baray ehtram se

Kaati hai ghum ki raat baray ehtram se
aksar bujha chuke hain chiragon ko shaam se

roshan hai apni bazm or is ehtimaam se
kuch dil bhi jal rahay hain chiragon k naam se

muddat hui hai khoon-e-tamanna kiiye magar
ab tak tapak raha hai lahu dil k jaam se

har saans per hai maut ka pehra laga hua
ahista ay hayat guzar is maqaam se

kaati tamaam umar fareb-e-bahar main
kaante samet'te rahay phoolon k naam se

ye aur baat hai k DUA ham ne use di
awaaz us ne di hai hamain har maqaam se

Wo mera sath nibhaney ka housla to kare

Ana ki kaid se nikal ker mukabla to kare
Wo mera sath nibhaney ka housla to kare

Kabhi na tootney wala hesaar ban jaoon
Wo meri zaat main rehney ka faisla to karey

Main os ko soonp doon apni muntizer ankhain
Wo meri khooj main janey ka tazkara to karey

Mujhe Tanha nahi karna

Wafa ruswa nahin kerna
Suno aisa nahin kerna

Main pehley hi akaila hoon
Mujhe tanha nahin kerna

Merey yeh jheel si aankhain
kabhi sehra nahin kerna

Judai bhi jo aa jayey
to dill uss ka nahin kerna

Bohat masroof ho jana
mujhe socha nahin kerna

Bharoosa bhi zaroory hai
mager sabka nahin kerna

Muqaddar phir muqaddar hain
kabhi dawaa nahin kerna

Meri takmeel tumsey hai
mujhe aadha nahin kerna

Jo likha hai wohi ho ga
kabhi shikwa nahin kerna

Haqeeqat hai milan apna
issey sapna nahin kerna

Main rang main dekhti thi,

Main rang main dekhti thi, main khoshboo main sochti thi
Mujhay gooman tha kay zindigi oojli khawahishoon kay cheragh lay ker
Meray darechoon main roshni ki naweed ban ker utar rahi hay
Main koohar main chandni pehan ker
Banafshi badal ka hath thamay
Fiza main parwaz ker rahi thi
Samatoon main sahaab lehjoo ki barishain thee
Basaratoon main gulab chehron ki roshni thi
Hawa ki raysham rafaqatain thee
Saba ki shabnam aanayatain theen
Hayat khaboo ka silsila thi
Khooli jo ankh to saray manzar dhanak kay us par reh gay thay
Na rang meray, na khawab meray
Howay tou bus…….. kuch azab meray
Na chand ratain, na phool batain
Na neel subhain, na jheel shamain
Na koi aahat, na koi dastak
Haroof mafhoom kho chukay thay
Alamatain baymaani ho gai thee
Gulabi khawaboo kay perahan rakh ho chukay thay
Haqeqatoon ki barhanagi
Apni sari safakiyon kay humrah
Jismoo jan per utar rahi thi
Wo meharban saya dar badal
Azab ki rot main chor ker mujh ko ja chukka tha
Zamen ki teez dhoop ankh main chubh rahi thi

Ye lamha kitna jana pehchana lagta hay

Shor machati mojay aab
Sahil say takra kar jab wapis loti toi
Paoon kay neechay jami hoi chamkeli sunhayri raeet
Achanak seerak gai
Kuc kuch gehray pani main
Khari larki nay socha
Ye lamha kitna jana pehchana lagta hay

To Koi Baat Banay!

Mahfil-e-ishq Sajao To Koi Bat Banay!
Dolat-e-ishq Lutao To Koi Bat Banay!
Jam "saghar" Say Nahi Pina Mujh Ko!
Tum jo Ankhon Say Pilao To Koi Baat Banay!

nigahoan pay aitbar nahi

Mujay tumhari nigahoan pay aitbar nahi
Maeray qareeb na aao bara andhayra hay

Jo zindgi thi

Jo zindgi thi maerey Jan taeray saath gaye
Bus ab tu umer ka naqshay main waqat bharna hay

Aisa ho sakta hai na?

Aisa ho sakta hai na?

k main nay jaan liya ho
Tujhe teri zaat ki gehrai tak
Tere mehal se le kar teri tanahi tak

Aisa ho sakta hai na?
k main nay bohot qarb saha ho
Tere situm se le kar teri masihaai tak

Or aisa bhi tu ho sakta hai na?
k tujhe koi dukh na ho
Mere milne se le kar meri judai tak

Jahan Darya Samundar Say Milla Darya Nahee Rehta

Parakhna Mutt, Parkhnay Mian Koi Apna Nahee Rehta
Kissee Bhee Aainay Main Dair Tak Chahra Nahee Rehta

Baray Loogoun Say Milnay Main Humaisha Fasla Rakhna
Jahan Darya Samundar Say Milla Darya Nahee Rehta

Tumhara Shaher Too Bilqul Naiy Andaaz Wala Hai
Humaray Shaher Mian Bhee Abh Koi Hum Saa Nahee Rehtaa

Muhabat Aaik Khushboo Hai Hamaisha Saath Chalti Hai
Koi Insaan Tanhai Main Bhee Tanhaa Nahee Rehtaa.........

Koi Badal Haray Mousam Ka Phir Elaan Karta Hai
Khizaan Kay Bagh Main Jub Aaik Bhee Pata Nahee Rehtaa

1 Shaiir

us shakhs se bas itna sa taluq hia Faraz
wo preshan ho to neend mujay nahi aati

kia keya jaay ?

Na tayra kurb na bada hay kia keya jaay
Phir aaj dukh b ziada hay kia keya jaay

Humain b arz-e-tamanna ka dhab nahin aata
Mizaj-e-yaar b sada hay kia keya jaay

Kuch apnay doost b tarkash ba dust phertay hain
Kuch apna dil b kushada hay kia keya jaay

Woh mehrban hay magar dil ki hyrs b kum ho
Talab karum say ziada kia keya jaay

Na ous say taalluq ki baat kar paeyn
Na humdammi ka irada hay kia keya jaay

Saluk-e-yaar say dil doubnay laga hay Faraz
Magar yeh mehfil-e-aada hay kia keya jaay

Usey Kehna Usey Hum Yaad Kerte Hain

Usey Kehna Usey Hum Yaad Kerte Hain
Diye jub sham ki dehleez pe jalane aatey hain
Sitarey aasman pe jub timtimatey hain
Zameen' pe chandni phoolon pe parti hy
Bohut he khoob lagti hy
Hum usi dam apni aankhon men
Usey abaad kerte hain
Usey kehna
Usey hum
Yaad kerte hain

is tarah nahin kartay

is tarah nahin kartay rabta to rakhtay hain
thora milnay julnay ka silsala to rakhtay hain

manzalain buland hon to mushkalain b ati hain
mushkilon say larnay ka hosla to rakhtay hain

jo tumharay apnay hon tum say piyaar kartay hon
un ka hal kaisa hai?kuch pata to rakhtay hain

dosti k rishtay ko tortay nahin aisay
roothay doston say b wasta to rakhtay hain

chor janay walay aksar laot kar b atay hain
lot kar wo anay ka rasta to rakhtay hain.

1 Shaiir

Aaj Phir Yaad Bohat Aaya Woh
Aaj Phir Us Ko Dua Di Hum Nay

woh kehti hai ...

woh kehti hai kia ab b kisi k liye laal hari churiyaan kharedtty hu??
main kehta hun kisi ki kalaee pe ab yah rung acha nahi lagta..

woh kehti hai kia ab b kisi k anchaal ko akaash likhty hu??
main kehta hun kisi k anchaal main ab itni woosaat nahi..

woh kehti hai k kia mery baad kisi larki se muhabbt hui tumhain??
main kehta hun muhabbat sirf larki per mushtamil nahi huti..

woh kehti hai kia ab b mujhy Bewafa k naam se yaad kerty hu??
main kehta hun mery naseeb main yah lafz shamil nahi..

woh kehti hai k kabhi mery zikar per rou b laity hogay??
main kehta hun k meri ankhoon ko hur waqt ki phuaar achi lagti hai....

aakhri khuwaish

hur qadam tumhara manzil ki taraf uthay
Aakash kay sitaro ko choo lo tum
Khushiyan har dam tumhari raha takay
Jugnuoo ki tarah jhilmilaoo tum
Kaash kay aisa ho jaye!
Kisi qadam par mehsoos na ho kami meri
Kisi maaqam per mujhko yaad na karo tum
Khushiyo main aisay apni magan raho
Kabhi maazii k waarq na palto tum
Magar yeh b yaad rakhna!
Agar kisi manzil pe pohunch k koi dard mil jaye
Aankh tumhari jo kabhi pur num ho jaye
Kabhi kisi apnay ki kami mehsoos karo tuu
Tuu tum mujhay pukar laina
Aur agar yeh b na kar pao tuu!
Dil ko apnay samaiit laina
Aur bas yaad mujhay tum kar laina
Aankho k kuaroon ko band kar laina
Mehsoos mujhay tum kar laina
Aur phir yun karna k!
Saray raaz apnay dil k
Tum mujh say keh laina
Saray dard apnay dil k
Tum mujh se baant laina
Bas meri ek aakhri khuwaish yaad rakhna!
Jab meri hayat ka safar tamam honay lagay
Meray qadam meri akhri manzil ki taraf rawan honay lageen
Mujhay lahayd tak lay janay walay chaar apnay kandho m
Ek kanhdha tumhara b ho

Deewaroon ko dard sunaya karta hai

Kaghaz kaghaz haraf sajjaya karta hai,
Tanhai main sheher basaaya karta hai,

Kaisa paagal shaks hai saari saari raat,
Deewaroon ko dard sunaya karta hai,

Ro daita hai aap hi apni baatoon par,
Aur phir khud ko aap hansaaya karta hai.

Muhabbat rooth jaye tu....

Muhabbat rooth jaye tu....
Ussey baahon mein le laina....

Buhat hi paas ker k tum....
Ussey jaaney nahi daina...

Woh daman bhi churaye tu..,
Ussey tum qasam de daina...

Dilon k mamlon mein tu...
Khataaein ho hi jaati hain...

Tum inn khataaon ko..
Bahana mat bana laina...

Muhabbat rooth jaye tu....
Ussey jaldi mana laina...!

Mumkin jo ager hota

Mumkin jo ager hota
hum tumko bhula detay
yaadon ko kafan deker
baywaqt sula daytay
cut girtee zubaan apni
tumko na sada daytay
is dil say teray dil tak
dewaar utha daytay

mumkin jo ager hota....!!
mumkin jo ager hota....!!

Tum Se Ummeed-e-Wafa Kaisi?

Judayi Denay Walay
Tum Se Ummeed-e-Wafa Kaisi?
Talluq Toot Jaye Jab
Muhabbat Rooth Jaye Jab
To Phir Rasm-e-Dua Kaisi?
Milan Ki Iltija Kaisi?
Bhanwar Mein Dolti Kashti Pe Sahil Ki Tamanna Kya?
Ukharti Saans Hoon To Zindagi Ki Aarzoo b Kya?
Jo Manzil Kho Chuki Hay Uss Ki Phir Se Justaju b Kya?
Raza-e-Dost Par Acha,Sar-e-Tasleem Kham Karna
Sisaknay Se Yehi Behtar Hay Na Ummeed Hi Marna
Magar Dil Ne Tumhein Kis Wastay Yaad Rakha Hay?
Tumhein Kiun Shairi Mein Aaj Tak Aabad Rakha Hay?
Abhi Tak Main Ne Kiun Khud Ko Bohat Barbad Rakha Hay?
Hawa k Dosh Par Kiun Naghma-e-Faryad Rakha Hay?
Judayii Denay Walay Aashnayii Ki Qasam Tum Ko
Tumhari BeWafayii Kuj Adayii Ki Qasam Tum Ko
Mujh Ko Itna Bata Dena
Wafa Ki Chahtoon Ki Mashalein Kaisy Bujhatey Hain?
Nishan Kaisy Mitatey Hain?
Bhulana Ho Jinhein
Un Ko Bhala Kaisy Bhulatey Hain?
Judayii Denay Walay....... !!!

Wo mujh se baat to kerta!

Yeh mumkin hai humare dermiaan
koi Ghalat fehmi bhi na rehti

Jo apny dil main choti si
Khalish hai khatam ho jati

Bata deta keh mujh ko aj bhi us ki zarurat hai
Jo es jewaan ko hasil hai to bas us ki muhabat hai

Bata deta keh logoon ki sabhi batin fasaney hain
Sabhi qisay puraney hain

Main keh deta
Zara si baat per yuun ruthna
acha nahi hota

Muhbat kerny waloon main
ghalat Fehmi to ho sakti hai
Per jhagra nahi hota

Main her ik baat keh deta
Khalish bhi duur ho jati

Main us ka haath pakrey yuun hi
us ka humqadam rehta

Wo agy haath to kerta !
Wo mujh se baat to kerta!

Main tanhayee pehan-ta hon

Main tanhayee pehan-ta hon
Udasi k ujaar angaan main mehroomiyoon k zard patty chunta hon
Meri ankhooon m aik muddat se jug-raty bharay hain'
Mery hontooon pe chispaa h chitakhtii hichkiyaan
Chehryy pe dukhtii hasrateen hain
Main apni zaat m ujray huay gaoon ka mela hon...
Mery yaroo..!!
Tumharya stah reh kr b akaila hon...!!!
Tumhain tuu khud sanwarnaa hai
Tumhari khuahishoon k baam-o-dar pe roshni k phool khilna hain
Tumahin likhna hia apni saans ki garmi se...
Neendoo ka safar nama..
Meri sangaat main mut baithoo...
K..mian pathhar ka mahbas hon
K..main mehroomiyoo k shehr ka basii
Meri kismat..udasi,kum libasi,na-shanasii hai!!
Meri sangaat m mut baitho,mujhy milnay se katraao
Khud apnay dil ko smjhaoo....
Mery nazdeek mut aoo......
Mery dil main andheera hai...
Aur.....
YEH ANDHEERA SIRF MERA HAI...

Raah-e-Wafa p chley to Maloom hoa

Raah-e-Wafa p chley to Maloom hoa
iTna Aasan nhi Dust-e-Sehar Maloom hoa
Safar hur Talib-e-Ulfat ka Muqadar hy magr
Hur MUSAFIR ko nhi Wusl-e-Manzil Maloom hoa

Raazdaa'n kerta nahi

Aur bhi qissey hain jo main dastaa'n kerta nahi
Aur bhi kuch ghum hain jin ko main baya'n kerta nahi
Raaz hain,jin ka Amee'n hoon main he bus is deher mein
Is khabar ka main kisi ko raazdaa'n kerta nahi...

Barishon k mausam men

Barishon k mausam men,
Tumko yaad krne ki aadaten purani hain,
Ab k baar socha tha,
Aadaten badal dalen.
Phir khayal aya k,
Aadaten badalne se,
Barishen nahi rukti..!

Mujhay acha sa lagta hai

Mujhay acha sa lagta hai
bohat acha sa lagta hai
tumhey ko dakhtay rahna
tumhey ko chahatay rahna
tumhey ko sochtay rehna
tumhey ko poojtay rehna
Mujhay acha lagta hai
bohat acha sa lagta hai
Tumharay sang sang chalna
Wafa ki aag main Jalna
kabhi ikrar kar laina
kabhi inkar kar laina
aankhon se kuch kehna
kabhi keh kar mukar jana
tumhari berukhi par bhi
tumhari aarzoo karna
mujhay acha sa lagta hai
bohat acha sa lagta hai

RosHan Aankhain

Us ny kaha
TumHari Aankhain
bohat RosHan hain
Aur main yeh Soch ky Hans dia
ky isKo kia khabbar
ky Barish ky baad
Mosam"nikhrTy hi hain...!!!

Zinda Hoon

yeh hai meri kahani
khamosh zindagani
sannata keh raha hai
kyun zulm seh raha hai

ek dastaan purani
tanhayi ki zubani
her zakham khil raha hai
kuch mujh se keh raha hai

chubtay kantay yadoon ke daaman say chunta hoon
girti deewaron ke aanchal mai zinda hoon

bass yeh meri kahani
benishaan nishaani
ek darr beh raha hai
kuch mujh se keh raha hai

chubtay kaanten yadoon ke daaman se chunta hoon
girti deewaron ke aanchal mein zinda hoon

bajay pyaar ki shabnum mere gulistaan mein
baraste rehte hain har simt maut ke saye
siyahiyon se ulajh padti hain meri aankhein
koi nahi .. koi bhi nahi jo batlaye
kitni der ujalon ki raah dekhe
koi nahi hai koi bhi nahi
na pass na durr
yeh pyaar hai
dil ki dharkan
apni chahat ka jo ellan kiye jaati hai
zindagi hai jo jiye jaati hai
khoon k ghoont peay jaati hai
khwaab aankhon se siye jaati hai

ab na koi paas hai
phir bhi ehsaas hai
yahiaon mai uljhi padi
jeene ki ek aas hai
yadoon ka jungle yeh dil
kaanton se jal thal yeh dil

chubtay kaanten yadoon ke daaman se chunta hoon
girti deewaron ke aanchal mein zinda hoon

Bechain Main Hoon, Beqaraar Main Hoon Na

Khoya hai paake jisne pyaar main hoon na
Bechain main hoon, beqaraar main hoon na
Koyi toh ho aisa, jisko apna keh sakoon
Koyi toh ho aisa, jiske dil mein reh sakoon
Koyi toh kehta ek baar main hoon na
Khoya hai paake jisne pyaar main hoon na
Bechain main hoon, beqaraar main hoon na

Jo bandhan toote, jo apne roothhe
Paas aa jaayein phirse dooriyaan
Ye kyun hota hai, ke dil rota hai
Bebas ho jaati hai, ye zabaan
Apne toh saare is kinaare reh gaye ho..
Tanha chala jo us paar main hoon na
Khoya hai paake jisne pyaar main hoon na
Bechain main hoon, beqaraar main hoon na

Jahaan bhi main jaaun, jahaan bhi main dekhoon
Saare chehre begaane se hain
Kabhi koyi tha, jo mera hi tha
Ye qisse ab afsaane se hain
Kal zindagi ne khel khele the gaye
Kuch log jeete, jeet ke sab le gaye ho..
Hisse mein aaya jiske haar main hoon na
Khoya hai paake jisne pyaar main hoon na
Bechain main hoon, beqaraar main hoon na

Koi to Hota !

Koi to hota!
Main jis k dil ki
Kitab banta
Main jiski chahat
Ka khawab banta
Main hijar k mausam ki lambi
Raaton mein
Yaad ban kar
Azab banta
Koi to hota!
Jo meri
Kahwahish mein
Uth k raaton ko
Khuub rota
Dukhon ki
Chadar lapait
Kar
Hajum-e-duniya
Say door hota
Main rooth jata
To manata mujhko
K chahay mera
Qasur hota
Koi to hota!
Main jis itna
Kareeb hota
Na paas koi
Raqeeb hota
Main tanha uska
Habeeb hota
Yeh silsila bhi ajeeb
Hota
Koi to hota!

Dard gar aadmi hota

Dard gar aadmi hota,tou girebaan pakkar kar kehte....
Is tarah rehte hain bechain dilon k andar..?
Is tarah karte hain bemaaron k saath?
Dil mein rehna hai tou theek se rehna seekho
hum tumhein sehte hain,kuch tum bhi tou sehna seekho
ek thodi si khushi mil jaye,tou jal jaate ho..
Dard gar aadmi hota,tou girebaan pakkar kar kehte...!

Mohabbat Jhoot Hai

Chalo choro!!
Mohabbat Jhoot Hai
Ehd-e-wafa ek shugel hai bekar logoun ka
talab sokhey hoay patoun ka beraunaq jazeera hai
khalish demak zada auraq per
bosida satroun ka zakhera hai
Chalo choro k ab tak mei andheroun ki
dhamak mei sans ki zarboun pe
chahat ki bina rakh ker safar kerti rahe hun
mujhe ehsas hi kab tha?
k tum bhi mausamoun k sath
apne pairhen k rang badal lo ge
chalo choro !!
mera hona na hona ek barabar hai
tum apne khalokhad ko aine mei
phir nikharney dou
tum apne ankh ki basti mei phir se
ek naya mausam utarne dou
mere khawaboun ko marney dou
chalo choro!!
Mohabbat Jhoot Hai ...

Chandni

Chandni
us darechy ko choo kar
mery neem roshan jhroky ma aye na aye
mager
mere palkon ki taqdeer sy neend chuntee rahy
or us ankh k khawab buntee rahy!!

Us k honton ki tabassum rahay qayem ya rab

Us k honton ki tabassum rahay qayem ya rab,
us k jeewan main khushion ka basera kar dey,
tu meray qurb ki raton ko bhe khatam na kar,
us ki her sham k akhir main sawera kar dey,
us k dil k kisi konay main jaga dey mujh ko,
us ki ankhon ko meray sapno se kheera kar dey,
ye meray dil ki dua hay meray mola sun lay,
sari duniya se chupa kar usey mera kar dey.

Mere Dil Ki Ye Duaa Hay

Mere Dil Ki Ye Duaa Hay
Ke Khuda Kare
Teri Zeest Ka Har Pal
Har Lamha
Gulaab Hojaaye
Shaadaab Hojaaye
Teri Rooh Ki Tashnagi
Seraab Hojaaye
Teri Zaat Ka Mehwar
Koi Mahtaab Hojaaye
Jin Par Barasti Hain
Khuda Ki Khaas Rehmatain
Un Chend Hastiyoon Main
Tera IntiKhaab Hojaaye..

Usay khush naseeb kerday....!

Saray jhaa ki khushiyan us ka naseeb kerday
Hansta rahay sada wo usay khush naseeb kerday
Kbi na dil us ka tootay kbo na zakham wo khaye
Us ko wafa k ya rub itna qareb kerday
Us k labo pay ya rub sada muskurahatein hi hoo
Qismat main us ka hansna meary habib kerday
Chal ker jhaa b jaye pholo k rastay ho
Manzil her khushi ki tu us k qareb kerday
Dil mera ab tuk khaaa mutmaeen howa hay
Us k dukho ko ya rub mera naseeb kerday

TUM

TUM
Tum jis khowab main ankhain kholo
Uss ka roop amar
Tum jis rang ka kapra phno
Woe mousam ka rang
Tum jis phool ko hans kar daekho
Kabi na woh mujhay
Tum jis harf pa ungli rukh do
Woh rooshan ho jaaye

Dua bacha leti he

Mein ne kaha tha na
Dua bacha leti he
Jab har dawa sath chor deti
Har aas tot jati he
Apne hi aap se hum
dur bahut dur hote jate hen
Kisi na kisi ki
Kisi surat ho ya kisi pal mein
Ban kar rahbar sa koi
Rah dekha deti he
Din mein raat mein ho
Subah mein ho sham mein ho
Watan ki guad mein ho
Yahan dyar ghair mein ho
Ban saiban har toofan se bacha leti he
Mein ne kaha tha na
Dua bacha leti he
Kisi ke sath mein ho
Ya kisi ke baad mein ho
Muhabbat se janam le kar
Muhabbat sa bana deti he
Aur jab tum ke lage
Nahi tum ko bachaya iss ne
Mera yaqeen karo
Us pal bhi
Jori hatheli se kahin
Tum ko sada deti he
Mein ne kaha tha na
Dua bacha leti he

Aakhari Alvida Na Ho

dhadkane khaamosh hain, kuch kehti nahi
yeh aakhari alvida na ho
chaahate aankhon se behti nahi
yeh aakhari alvida na ho
iss dard dil mein, dil mein rehne do
jo khauf hai aankhon se, aankhon se kehne do
dukh ki nadi chup chaap behne do
jo kehna hai tum dheere se keh do
yeh aakhari alvida na ho

dhadkane khaamosh hain, kuch kehti nahi
yeh aakhari alvida na ho

sab yaadein, jo baandhe the bandhan
kaajal, bindiya, haathon mein kangan
mehki rehti thi menhdi
gaata rehta tha saawan
inn yaadon ko sapno mein rehne do
yeh aakhari alvida na ho

aakhari alvida na ho
dhadkane khaamosh hai, kuch kehti nahi
yeh aakhari alvida na ho
chaahate aankhon se behti rahi
yeh aakhari alvida na ho