Chalo choro!!
Mohabbat Jhoot Hai
Ehd-e-wafa ek shugel hai bekar logoun ka
talab sokhey hoay patoun ka beraunaq jazeera hai
khalish demak zada auraq per
bosida satroun ka zakhera hai
Chalo choro k ab tak mei andheroun ki
dhamak mei sans ki zarboun pe
chahat ki bina rakh ker safar kerti rahe hun
mujhe ehsas hi kab tha?
k tum bhi mausamoun k sath
apne pairhen k rang badal lo ge
chalo choro !!
mera hona na hona ek barabar hai
tum apne khalokhad ko aine mei
phir nikharney dou
tum apne ankh ki basti mei phir se
ek naya mausam utarne dou
mere khawaboun ko marney dou
chalo choro!!
Mohabbat Jhoot Hai ...
Subscribe to:
Post Comments (Atom)
No comments:
Post a Comment