Friday, October 3, 2008

Ab ho chala yaqeen keh burey hum hain dosto,

Tum bhi khafa ho log bhi barham hain dosto,
Ab ho chala yaqeen keh burey hum hain dosto,

Kis ko hamarey haal se nisbat hai kaya kahain,
Aankhain to dushmano ki bhi purnam hain dosto,

Apney siwa hamarey na honey ka gham kisey,
Apni talaash mein to hamee hum hain dosto,

Kuch aaj shaam hee se hai dil bhi bhuja bhuja,
Kuch shehar ke chiraagh bhi maddham hain dosto,

Iss shehar e aarzoo se bhi baahir nikal chalo,
Ab dil ki ronaqain bhi koyi dam hain dosto!!!!!!

No comments: