Aazmaish

Us sy bicher kr bary Karb main hoon Wasi
Usy kaho, Mairi Aaazmaish ko Mukhtasir kr de

Main kab ka Khud se Bichar chuka hoon

Bicharnay Waalay!
Tujhay Khabber Hai?

K Tairay Jaanay se Maira Jeevan
Hazaar KhanooN main Batt Gaya Hai!

Tujhay Khabber Hai Bicharnay Waalay!
K Mairi Khushiyan hee Kho Gai Hain

Main Kitna Tanha Sa Ho Gaya HooN

Wajood Maira Tu Iss Safar Main
Yeh Daikh ZakhmooN se Att Gaya Hai

Main Sochta HooN!
Mager Yeh Sochain,

Kyun Aik Nuqtay Pe Jamm Gai Hain,

Mujhay Yeh Mehsoos Ho raha Hai!
K Jaisay Saansain Hee Thamm Gai Hain

Mujhay Bata Day Bichrnay Waalay!
K Khud ko Kaisay Sambhalna Hai

Hijar K RastoooN Pe Chaltay Chaltay!
Yeh Mairay PaaoN Laho main Terr Hain

Yaqeen Ker Lay Main Thakk Gaya HooN

Bicharnay Waalay! Tujhay Khabber Hai
Main Kab ka Khud Se Bicharr Chukka HooN

Ek Raah to wo hogi, Tum tk jo PohanchTi hai

Is morh se jatey hain
Kuch sust qadam Rastey,

Kuch Tez qadam rahein
Pathar ki Haveli ko,

Shishon k gharondon ma
Tinkon k nasheman tak,

Aandhi ki tarah urh kr
ek rah guzarti hai,
Sharmati hui koi
Qadmon se utarti hai,

In reshmi rahon ma
Ek rah to wo hogi,

Tum tak jo pohanchti hai .........!!!!

Ek door se aati hai
paas aa k palat-ti hai,

Ek rah akeli si
Rukti hai na chalti hai,
Yeh soch k bethaa hoon
Ek rah to wo hogi,

Tum tak jo pohanchti hai .........!!

Mann Tareek Samandar hon

Soorat jin ki uJli uJli, Mann Tareek Samandar hon
Aisy Yaraon se Mohsin, Sehraon k Naag bhaley

Ahmiyat

jo Tu naHi hy to yeh Mukammal Na ho sakain gi
Teri yehi Ahmiyat Hay, Meri Kahaniyoon Mein !

Aik Shair

Sookhay patto'n ki Aahat bhi mujh ko Chonka deti hai
Yaad hai Mujh ko, in pe Chalna, Tum ko Acha lagta tha...!

Yaqeen

Main raiza raiza hoon apnay wajood k andar
Woh hurf hurf chunay ga kitab kar day ga

Mujhay yakeen ha aik roz mera chara gar
Udas rooh ko taza gulab kar day ga

Mohabaton ka TaqaZa

Jo ho sky to Bhula daiNa Ranjishain Dil ki
k Mohabaton ka TaqaZa hai Dar-Guzar kRna

Teray Tarz-e-Taghaful se giLa kesa ?
Humain aaTa Na tha Diloan main Ghar kRna

Gehray Log

Bohat Mushkil hai her Chehray sy Dil ka Haal perh laina
Jo Gehray Log hotay hain, woh Pehchanay nahi jatay

Ab k Piar...

Ab k Pyar kuch Ajeeb he sa hua hai Mohsin
Sard Shamon ki tarah, Garam Saweraon jaisa

Mohobbat ik Dua hai

Mohobbat ik Dua hai
Mujhay bus ye Dua daina
Khata koi ju ho jaey
Kabhi lehja badal jaey
Zaroori baat reh jaey
Mera chehra bigar jaey
Ager pehchaan na paoon
Tumhay gar jaan na paoon
Dua daina

Mohobbat ik Dua hai
Tum mujhay bus ye Dua daina
Sitaray toorna paoon
Tumharay kaam na aaon
Tawazun ju na reh paey
Nazar bandi nazar aaey
Ishara ho shararat ka
Koi dhoka basarat ka
Dua daina

Mohobbat ik Dua hai
Tum mujhay bus ye Dua daina
Main tum se keh nai paya
Tumharay naam ka saya
Meray humrah rehta hai
Mujhay her pal ye kehta hai
Koi mushkil ju dar aaey
Tasawur mera dhundlaey
Dua daina

Mohobbat ik Dua hai
Tum mujhay bus ye Dua daina

Mohabbat kar to len lekin

mohabbat kar to len lekin
wafa hai shart chahat ki

zara mujhko bata jana
k is dor-e-khudgarzi mein
wafa ab kon karta hai?

wafa kaanton ka rasta hai
to kaanton pe chalega kon?

wafa hai khel aatish ka
to aatish mein jalay ga kon?

wafa hai maut ka soda
yahan baichay ga saansein kon?

wafa hai rat-jaga mosam
yahan jagay ga raatein kon

wafa khud ko mitana hai
yahan khud ko mitaye kon?

wafa sub kuch lutana hai
yahan khud ko lutaye kon?

Kisi Khush Nigah C Aankh Ne

Kisi Khush Nigah C Aankh Ne

Ye Kamaal Mujh Per Karam Kiya
Meri Loh-e-Jaan Pe Raqam Kiya

Wo Jo Aik Chand Sa Harf Tha, Wo Jo Aik Shaam Sa Naam Tha
Wo Jo Aik Phool C Baat Phirti Thi Dar Badar

Usay Gulistan Ka Pta Diya

Mera Dil k Shehar-e-Malal Tha, Usay Roshni Myn Basa Diya
Meri Aankh Or Khuab Ko, Kisi Aik Pal Myn Baham Kiya

Meray Aa'eeno Pe Jo Gard Thi, Mah-o-Saal Ki
Wo Utar Gai

Wo Jo Dhund Thi Meray Char Soo
Wo Bikhar Gai

Sabhi Roop Aks-e-Jamal k
Sabhi Khuab Sham-e-Wisaal k

Jo Ghubar-e-Waqt Myn Thay Sir Basar Atay Huay
Wo Chamak Uthay

Wo Jo Phool Rah Ki Dhool Thay↲
Wo Mehak Uthay

Liyay Saat Rung Bahar k
Chala Main Jo Sung Bahar k...!

To Saja Diyay Sabhi Rastay
Kisi Dast-e-Shobda Saaz Ne

Meray Naam Per, Meray Wastay
Meri Be-Ghari Ko Panah Di, Meri Justajoo Ko Nishan Diya

Jo Yaqeen Se Bhi Haseen Hy, Mujhay Aik Aisa Gumaan Diya
Wo Jo Reza Reza Wajood Tha

Usay Aik Nazar Myn Baham Kiya

Kuch Faaslay kat'tay nahi Tanha uSay kahna

Uss simt chalay ho to itna usay kahna
Kartay nahi koi b tamanna usay kahna

Zarkhaiz zaminain kabi banjar nahi hotin
Darya hi badal laytay hian rasta usay kahna

Dunia to kisi haal main jeenay nahi deti
Chahat magar hoti nahi ruswa usay kahna

Kuch loog safar k liyah mozon nahi hotay
Kuch faaslay kat'tay nahi tanha usay kahna

Dhurken

Afaaq main Paida koi Halchal nahin hoti
Ab Dil kay dharakne ka woh Andaaz nai hay...!!!

Yaad

Dhalnay Lagi Raat K. . . .
Woh Yaad aa Gaya

Phir Us Kay Baad Raat Bari Dair Tak Rahi

Rishte Zuban Ke Reh Gaye

Wo Dil Nahi Rahe, Wo Jazbe Nahi Rahe
Apne Bhi Is Doar Mein, Apne Nahi Rahe

Halat-e-Zindagi Per Ghor Kiya To Jana
Rishte Zuban Ke Reh Gaye, Dil Ke Nahi Rahe !

Mohabbat hum se karni hay

Mohabbat hum se karni hay, to phir wada nahi karna,
Ye waday hum ne dekhay han, k aksar toot Jatay Hain.

Mohabbat hum se karni hay to phir zid bhi nahi karni,
Ye zid b hum ne dekhi hay, k sathi chhoot jatay hain.

Mohabbat hum se karni hay to phir tohfa nahi dena,
Ye tohfay hum ne dekhay hain, bohat majbor karty hain.

Mohabbat hum se karni hay to phir shikwa nahi karna,
Ye shikway hum ne dekhay hain, dilon ko door karty hain

Saharay baant laitay hain

Chalo aisa karain mil ker Sitaray Baant laitay hian
Zarorat kay mutabiq Saharay baant laitay hain

Muhabbat karnay walo ki tijarat bhi anokhi hai
Munafa chor daitay hain , Khasaray Baant laitay hain

Agar milna nahi mumkin toa lehron pe qadam rakh ker
Abhi daruaa-e-ulfat kay Kinaray baant laitay hain

Meri jholi mai jitay bhi phool wafa kay hain un ko
Ikhattay baith ker ik roaz, Saray baant kaitay hain

Muhabbat kay ilawa paas apnay kuch nahi Faraz
Is Dolat ko hum qismat kay maray Baaant laitay hain!

Teri rehmatoon pay Yaqeen hay

Bray mukhtassur say huroof may
mjhay gehri baat bta gya

k wo khwab sa koi shks tha
Jo sehr say pehlay jga gya

Ksi mehrbaan ki duaon say
Ye sfr mra tmam hoa

Jinhain rehbri ka ghroor tha
Unhay raastoon nay mita dia

Hmain aasman say gila nhi
Teri rehmatoon pay yqeen hay

Jha zindgi nay shikst di
Ksi mojzay nay bcha lia

Hmay zinda rhnay ka hosla
tri aarzo nay ata kia

Bray gehray zkhm milay hmay
Jinhay rfta rfta mita dia...

Izhaar-e-Mohabbat Ik Dhoka Sa Lagta Hai

Woh Kehti Hai Ussey Mujh Say Mohabbat Hai
Magar Aksar Woh Milti Hai To
Kuch Kehney Ki Koshish Mein
Jhunjhla Si Jaati Hain
Muskuraaney Per Uss Ki Aankhein
Labon Ka Saath Chorr Jaati Hain
Be-chaini Aur Muztarib Kaifiyat Ki Shikar
Kayi Baatein Adhoori Chorr Deti Hai
Mainey Aksar Ussey Uljha Sa Paaya Hai
Aur Uss Lamhey Izhaar-e-Mohabbat
Ik Dhoka Sa Lagta Hai

Agarchey Jaanta Hoon Main
Ke Woh Kehna Kya Chaahti Hai
Magar Aey Mohabbat !
Kye Aisa Bhi Hota Hai
Mohabbat Kadey Ke Makeen
Yoon Ukta Bhi Jaatey Hain
Lahoo Say Seench Ker Hum Jo
Bandhan Banatey Hain
Kisi Morr Par Aa Kar
Kya Ye Choott Bhi Jaatey Hain

Agar Iss Aashiyan-e-Mohabbat Ki
Yehi Riwayat Hai

To Sun Aey Dil-Nasheen Sun
Tujhey Hum Azaad Kartey Hain
Ke Khud Ko Barbaad Kartey Hain
Apni Hi Zaat Mein
Khudi Ko Qaid Kartey Hain ....!!

Gham se patthar ho gaya lekin kabhi roya nahin

Gham ki barish ne bhi tere naqsh ko dhoya nahin
Tune mujh ko kho diya main ne tujhe khoya nahin


Nind ka halka gulabi-sa Khumar ankhon main tha
Yun laga jaise vo shab ko der tak soya nahin


Har taraf divar-o-dar aur un main ankhon ka hujum
Kah sake jo dil ki halat vo lab-e-goya nahin


Jurm adam ne kiya aur nasl-e-adam ko saza
KaTata hun zindagi bhar main ne jo boya nahin


Janata hun ek aise shaKhs ko main bhi `Munir`
Gham se patthar ho gaya lekin kabhi roya nahin

Mujhay Tum se Muhabbat hai....

Mujhay aksar ye kehti thi...
Kay itni baar kehtay ho

"Mujhay Tum se Muhabbat hai"
kay ab dil pr ye sunnay se

Asar koi nahi hota
Magar jab aaj....

Danista nahi bola usay main...
Mujhay Tum se Muhabbat hai....

to

USKI AANKH BHAR AAI

Tumhein Kitna Yeh Bola Tha, Meri Aadat Nahi Badlo

Tumhein Kitna Yeh Bola Tha
k Meri Zindagi Mein Iss Tarah Shamil Nahi Hona
Jab Aankhein Subah Ko Kholon,Pukaroon Naam Main Tera
Kabhi Jo Aayeina Dekhon
Tumhara Aks Meri Aankh Ki Putlii Mein Jam Jaye
Khushi Mujh Ko Milay Koi
Tumhara Sath Main Dhoondoon
Dukhon Mein b Yehi Chahoon k Mery Pass Bas Tum Ho

Tumhein Kitna Yeh Bola Tha
Mujhay Badal Se,Barish Se Muhabbat Hay Hamesha Se
Magar Tum Ne Muhabbat Ko Junoon Mein Kiun Badal Dala?
Main Ab Barish k Mausam Mein Tumhi Ko Dhoondta Kiun Hon?
Inhii Sochoon Mein Bheegta Hon,Main Tanha Bheegta Kiun Hon?

Tumhein Kitna Yeh Bola Tha
Meri Aadat Nahi Badlo
Meri Khatir Nahi Badlo
Magar Tumne Badal Dala
Mera Sab Kuch Badal Dala ...

Mujhey Talash Hai Uss Ki Jo Mairey Jaisa Ho

Na Woh Farishta Ho Na Farishtey Jaisa Ho
Mujhey Talash Hai Uss Ki Jo Mairey Jaisa Ho

Mairey Khaloos Ko Pehchanta Ho Bass Kaafi Hai
Woh Koi Bhi Ho Kahin Bhi Ho Kaisa Bhi Ho

Jo Khuwab Deney Ko Qadir Ho Mairi Aankhon Ko
Mairi Mohabbat Ko Pehchan Sakey Woh Aisa Ho

Agar Kabhi Rooth Jaoon Main Uss Say To
Muskura Ke Manaye Woh Aisa Ho

Jo Baat Karey To Woh Nibha Bhi Sakey
Iradon Mein Woh Apney Chahaton Jaisa Ho

Dukhon Mein Hansney Ka Hunar Janta Ho
Ikk Aisa Hum Safar Jo Samander Ki Tarah Gehra Ho

Uss Ke Pyar Ki Thandak Ho Mairey Liye Aisi
Ke Woh To Bilkul Aasman Ke Chand Jaisa Ho

Woh Sirf Maira Ho Jo Nigahon Mein Haya Rakhta Ho
Umar Bhar Saath Chaley Woh Aisa Ho

Tum Udaas Na Hona

Zindagi Ki Rahoon Main
Oonch Neech Hoti Hai

Faslay Bhi Berhty Hain
Chahtain Bhi Lut_ti Hain

Raet Ke Toofanon Main
Sansain Bhi Rulti Hain

Yeh Bhi Aain Mumkin Hain
Aaj Hum ikhathay Hain

Kal Ko Saath Hoon Na Hoon
Chahe Kuch Bhi Hoo Janaan!!

Hosloon Ko Na Khona
Be_Wajah Bhi Na Rona

Tum Udaas na Hona

Suno Musafir

suno musaafir..!
zara ruko to
k aj mosam badal raha hy
yeh raasty jo bohat dino sy
tumhary qadmon sy aashna thy
yeh raasty bhi thaky howy hyn

suno musaafir..!
zara sa ruk ker
kisi ki dharkan ka shor sun lo
kisi ki aankhon k taary gin lo
suno musaafir..!
safer kabhi bhi
kisi ko bhi sath ly ker
chalty nhi rahy hyn
her aik ko manzil bih kab hy milti
yeh manzilyn to kisi kiisi ka naseeb thehryn

suno musaafir...!
bhatak bhatak ker , tadap tadap ke
sisak sisak k, dehak dehak k
kisi k jazbaat so na jayn
suno musaafir..!
zara sa ruk ker
kisi ki dharkan ka shor sun lo.....!

Meri Baat

Insaaf-e-zamana ki Mujhe di Jaye iJazat
main to wo hun, jo k apni b Himayat nahi karta

Tum apnay khayaloon ko Mujhe sonp k dekho
Hur Shakhs imanat main khayanat nahi karta

Is se Pehly k...

Is sey pehley k dasht-e-imkaan main,
Wisl-e-jana ki aarzoo na rahey?

Is sey pehley k baar-e-gham main kahien,
Tujh ko paaney ki justuju na rahey?

Is sey pehley k loh-e-qismat per,
Baab-e-ulfat tamam ho jaye?

Laut aao!

K muntazir hain nigah,
Is sey pehley k shaam ho jaye

Chalo main aaj us ko yeh bata doon

Chalo main aaj us ko yeh bata doon
K main ik bohot hi khudgharz insaan hoon

Meri har baat, har ik soch
Mujh say hi shuru’ aur khatm hoti hai

Meri is zindagi ka har lamha har pal
Mujh hi pay waqf hota hai

Meri har ik dua har aarzu main
Mera hi zikr milta hai

Mujhay lagta hai us ko kuch ghalat fehmi see hai
K jaisay us ka guzar hai meray khayaloon main

K baton main duaon main, dinon main aur raaton main
Main us ko yaad karta hon usi ki baat karta hoon

Agar wo sochta hai yoon tou main us ko sahi kar doon
Zara main aaj us ki yeh ghalat fehmi khatam kar doon

Us ki yeh soch meri kitaab hi ka qissa hai
wujood us ka meri hi zaat ka tou hissa hai

Chalo main aaj us ko yeh bata doon………

Ijazat

Yeh Lazmi Nahi K
Hum Ko Her Din
Yaad" Karo !

Magar "Bhool" Jao
Iss Ki "Ijazat" Nahi Tumhain.

Asool

Mohabbat k liye kuCh khAs Dil MakhsoOs hoTy hain
Ye wO NaghMa hai jO Hur Saaz Pe Gaya nai Jata

Maira Huq

Mera Huq hai Mujhe Toot k Chaha jaYe
Is liye TujH se Mohabbat nHi Mangi Main ne

Tumhe jab kabhi milain Fursatien

Tumhe jab kabhi milain Fursatien, meray dil say bojh utaar do
Main buhat dino say udaas hoon, mujhay aik sham udhar do

Mujhay apnay roop ki dhoop do, key chamak sakain meray khad o khaal
Mujhay apnay rang main rang do, meray saray rang utaar do

Kisi ko meray haal say, na koi Gharz hai na wasta
Main bikher gaYa hoon samait lo, main biger gaya hoon sanawar do

Meri wehshaton ko barha dia hai judaion key azab nay
Meray dil per haath rakho zara, meri dharkano ko qarar do

Kaho subah kaise lagi meri khowaisho key diar ki
Jo bhali lagi to yaheen raho, issay chahaton say nikhar do

Bashir Badar

Aik Shair

Ro daita hai aap hi apni baatoon par,
Aur phir khud ko aap hansaaya karta hai.

Sawal ?

koi ye kaise bataye k wo tanha kyun hai !
wo jo apna tha, wohee aur kisii ka kyun hai !
yahi duniya hai to phir, aisii ye duniya kyun hai !
yahii hotaa hai tu, aakhir yahii hotaa kyun hai !

ik zaraa haath badhaa de tu, pakad le daaman
us ke seene mein samaa jaaye, humaarii dhadkan
itnii qurbat hai to phir faaslaa itanaa kyun hai?

dil-e-barabaad se niklaa nahin ab tak koii
ik loote ghar pe diyaa kartaa hai dastak koii
aas jo toot gayee hai phir se bandhaataa kyun hai?

tum musarrat kaa kaho yaa ise gham kaa rishtaa
kahte hain pyaar kaa rishtaa hai janam kaa rishtaa
hai janam kaa jo ye rishtaa to badalataa kyon hai??

Ijazat

khawab aankhoon main pironay ki ejazat dai dai..
aay shab-e-gham mujay sonay ki ejazat dai dai...

ya saleeqay say nibha rasm-e-refaqat muj say..
ya kisi aur ka honay ki ejazat dai dai....

Izhaar

Jo hum mehsos karty hain !
Agar tum tak puhanch jaye !

To bas itna samajh lena !
Ye un jazboon ki khusboo hy !

Jinhain hum keh nahi sakty !
Magar tum jo ijazat do !

To chand lafzoon may keh daloon !
Tum bin jee nHi skTy

k
Tum bin Mar nHi skTy

Aik Shair

Us Ko Neendon K Nagar Mei Na Basao Mohsin
Warna Shamil Wohi Neendhon K Khalal Mei Ho Ga

Maray Chara Gar Tujhay Kya Khabar

Maray Chara Gar Tujhay Kya Khabar
K Yeh Dard Kitna Ajeeb Hy
Na Sakon-E-Dil, Na Qarar-E- Jan
Na Hi Neend Mujh Ko Naseeb Hy

Yeh Ajab Hy Qissa-E-Zindgi
Wo Mila To Rah-E-Hayat Main
Mujhay Wo Nashat-O-Khusi Mili
K Sakon, Farhat-O-Itminan
Mari Dharknon Main Sama Gay
Wo Jo Dard Ankh Main Qaid Thay
Maray Aansuon Main Naha Gay
Mujhay Har Qadam Pe Guma Hua
K Badal Rahi Hain Haqeeqtain
K Bikhar Rahi Hain Musaftain
Per Us K Bad Yeh Kya Howa
Wo Gya To Cheen Key Ley Gya
Mara Chain, Sabr-O-Qarar Bhi
Mary Rahtien, Mari Chahtein
Mari Zindgi Ki Bahar Bhi
Mara Likhna Aur Mara Sochna
Mara Husn, Mara Nikhar Bhi
Main Ny Hasna Khailna Chor Kar
Issi Ghum Ko Dil Sy Laga Liya

Maray Chara Gar Tujhay Kya Khabar
K Ajab Hain Ishq K Mamlay
Na Hi Mari Basat Hy Iss Qarar
K Main Us Ko Dil Sy Nikal Kar
Kisi Aur Dar Ka Gada Banon
Na Yeh Taray Bass Ki Hi Bat Hey
K Maray Dard Ki Tu Dava Kary
K Maray Dard Ka Jo Ilag Hy
Tari Puhach Tari Basat Sy
Tari Sooch Sy Bhi Hy Mawra

To Kahan Sy Lao Gy Dhond Kar
Maray Chain, Sabr-O-Qarar Ko
Tujhay Keh Rhaa Hon Main Chara Gar
Maray Zakham Pe Yeh Dava Na Rakh
Maray Dard Ki Yeh Dava Nhi
Main Mareez-E-Ishq Hon Iss Liye
Mara Theek Hona Mahal Hy

Maray Chara Gar Tujhay Kya Khabar……!!!

Aik Shair

Jin Sey Mil Kar Zindagii Sey Ishq Ho Jaye, Wo Loog
Aap Ney Shayad Na Dekhy Hoon, Magar Aisy Bhi Hei

Dawa

Zakham sadyon bad b Tazy rehte hen Faraz
Waqat k pas b hr Murz ki dawa ni hoti

Sapna

Baray Anjaan Mosam Mei
Bohat Be-rang Lamhon Mein

Bina Ahat
Bina Dastak

Bohat Masoom Sa Sapna
Utar Aya Hay Ankhon Mein

Bina Sochay
Bina Samjhay

Kaha Hay Dil Ne Chupke Se
Haan Is Nanhe Se Sapney Ko

Ankhon Mein Jaga De Do

Bina Tokay
Bina Rokey

Ragon Ka Khoon Ban’ne Do
Saanson Mein Mahakne Do

Hamesha Ki Tarah Ab Bhi

Bina Uljhay
Bina Boley

Jhuka Dia Hay Sar Hum Ne
Ye Hum Janain Na Dil Janay

Bus Maloom Hay Itna
K
Dil K Faislay Hamain Kam Raas Atay Hain

Mujay tum chor Mat Dayna

Hazaro Doriyan Ain
Baharain A Key Kho jain

mera chahra bhula dayna
mere yadain bacha layna

jo lamhe dard dayte ho
unhain beshak bhula dayna

jo lamhe as daytay ho
unhain dil say laga layna

kahin bhi dor reh layna
Bohat majbor reh layna

Mager Es dori ko tum bahana mat bana layna
Taaluq Tor MaT Dayna

Mujay tum chor Mat Dayna...

Usay yeh kon samjhayee !!!

woh dasht-e-khamoshi mein
ungliyon mein Sipiyan pehny

Kisi sukhey Smundar ki
adhuri Piyaas ki baatain

Bohat chup chap sunta hay
bohat khamosh rehta hy

Usey ye kon smjhaye?
Khushi k ek aanso se

Samundar bhar Bhi jatey hein
Bohat khamosh rehney sey

T'aluQ mar Bhi jate hain

Dar Lagta Hai

Baat Din Ki Nahi, Ab Raat Se Dar Lagta Hai…
Ghar Hai Kacha Mera, Barsaat Se Dar Lagta Hai…

Tere Tohfay Ne To Bas Khoon Ke Aansoo Hi Diye…
Zindagi Ab Teri Saughaat Se Dar Lagta Hai…

Pyaar Ko Chor Ker Tum Aur Koi Baat Karo…
Ab Mujhay Pyaar Ki Har Baat Se Dar Lagta Hai…

Yeh Duniya Agar Mil Bhi Jaye To Kya Hai?

Yeh Mehlon,Yeh Takhton,Yeh Taajon Ki Duniya,
Yeh Insaan Key Dushman Samaajon Ki Duniya,
Yeh Doulat Key Bhookhey Riwajon Ki Duniya,
Yeh Duniya Agar Mil Bhi Jaye To Kya Hai.

Har Ek Jism Ghayal, Har Ek Rooh Pyaasi,
Nigahon Mein Uljhan, Dilon Mein Udaasi,
Yeh Duniya Hai Ya Aalam-e-Badhawasi,
Yeh Duniya Agar Mil Bhi Jaye To Kya Hai.

Yahaan Eik Khilona Hai Insaan Ki Hasti,
Yeh Basti Hai Murda Paraston Ki Basti,
Yahaan To Jeevan Sey Hai Maut Sasti,
Yeh Duniya Agar Mil Bhi Jaye To Kya Hai.

Jawaani Bhatakti Hai Badkaar Ban Kar,
Jawaan Jism Sajtey Hein Bazaar Ban Kar,
Yahaan Pyaar Hota Hai Byopaar Ban Kar,
Yeh Duniya Agar Mil Bhi Jaye To Kya Hai.

Yeh Duniya Jahaan Aadmi Kuch Nahi Hai,
Wafa Kuch Nahi, Dosti Kuch Nahi Hai,
Yahaan Pyaar Ki Qadr Hi Kuch Nahi Hai,
Yeh Duniya Agar Mil Bhi Jaye To Kya Hai.

Jala Do Isey, Phoonk Dalo Yeh Duniya.
Mere Saamne Se Hata Lo Yeh Duniya,
Tumhari Hai Tum Hi Sambhalo Yeh Duniya,
Yeh Duniya Agar Mil Bhi Jaye To Kya Hai?

Naaz

chaha hi usko rooh ki gheraiyon k sath,
zinda hon apni zaat ki tanhaiyon k sath,

roka nahi tha usko bicharne k waqt bhi
apni wafa pe naaz tha sachaiyon k sath

Aik Shair

Suna hay Un ky Ashkon sy Bujhi hy Pyas Sehra ki
jo kehTy thy k Pather hain Hamain Rona nahi ata...

Ya Rub

Ya Rub Tu Mujhy Tabeer ka Hausla dy dy
Main n ik Shakhs ko khawab dikhaa rakhe hen

Maan

Usay ye Shikwa tha k Main Usy Samajh na ska Faraz
aur Mujhe ye Maan tha k Main jaanTa faqat usi ko tha

Shikayat

Musalsal HaadSo s bas Mujhe itni Shikayat h
k ye Aansu Baha lene ki bhi MohLat nhi dete

Ajab Hoasly

Main Chup rehun, kabhi ByWaja Hans parun Mohsin
usy Ganwa k ajab Hoasly Talash karun...

Jurm

MohabbaTon m Saza bhi , Mujhe he miLni thi
k Jurm Main ny kia, RaabTy , barHaany ka...!

Naseehat

Khamosh lehje mere hamdam kabhi bola nahin kertay,
Dard-o-gham ko her kisi k samnay khola nahin kertay,

Mohabbat to mohabbat hai,
Bari anmol hoti hai,

Mohabbat ko tarazu main kabhi tola nahin kertay,
Mere khamosh rehne per koi ilzam mat dena,

Samandar to samandar hai, kabhi bola nahin kertay,

Intahaye Mohabbat

Jo baat nhin kertay
Un boltay rangoo’n main
Main nay tumhain soacha hai…!!
Un ajnaabi restoo’n main
Main nay tumhain dekha hai…!!

Kahnay kay liye tumsay
Batain to buhat si hain
Alfaaz nhin miltay…..!!
Jo meri nazar main hain
Us shehar kay baghoo’n main
Woh phool nhin khiltay….!!

Main nay tumhain jana hai
Izhaar kay rishtoo’n say
Is terha juda hoo kay……….!!
Jis terha koi bunda
Dherti pay nazar dalay
Aik baar Khuda hoo kay……..!!

Talaq

Na Waada Hai Koi Tum Say Koi Rishta Nibhane Ka
Na Koi Aur Hi Dil Mein Tahayya Ya Iraada Hai

Kai Din Say Magar Dil Mein
Ajab Uljhan Si Rehti Hai

Na Tum Iss Daastan Ke Sarsari Kirdaar Ho Koi
Na Kissa Itna Saada Hai

Taaluk Jo Main Samjha Tha
Kahin Uss Say Ziyada Hai !

Mujhay Insaan Matt kehna

Ager Kuchh naam daina ho 

Mujhay Insaan Matt kehna 

Judaa Chehray, Juda bay-shak sabhi ke kaam hotay hai'n 

Magar Insaaniyat ke abb yahaa'n per daam hotay hai'n 

Mere Tum daam matt Dena 

Mujhay ye naam matt Daina 

Agar kuchh naam daina ho 

Mujhay Ehsaas keh daina 

Magar thehro! 

Mujhay Ehsaas Matt Kehnaa 

Mera Buss Naam reh jaay mujhay aisay nahi'n rehnaa 

Mujhay Ehsaas Matt kehnaa 

Ager kuchh naam daina ho

Mujhay saawan he keh daina 

Magarr Thehro! 

Mujhay saawan nahi'n kehnaa 

Barasta hai magar rut ke badaltay beet jaata hai 

Mujhay Saawan nahi'n kehna 

Ager kuchh naam daina ho, mujhay aansoo he keh daina 

Janam laina kisi ki aankh mai'n, rukhsaar per marna 

yahi jis ki haqeeqat hai 

Chalo aansoo he keh daina 

Magar daikho 

Kisi ki aankh mai'n Mujh ko kabhi aanay nahi'n daina 

Ke qeematt aansoo'on ki abb adaa tum se nahi'n ho gee 

Nahi'n tum yu'n nahi'n kehna 

Mujhay Aansoo nahi'n kehnaa 

Mujhay aankho'n mai'n bastaa ik hasee'n sapnaa he keh daina 

Ke sapnay aankh mai'n taaro'n ki tarhaa jhilmilaatay hai'n 

Magar Thehro! 

Mujhay sapnaa nahi'n kehnaa 

Ke sapnay toot jaatay hai'n 

Mujhay Apnaa Nahi'n Kehna 

Ke apnay rooth jaatay hai'n

Huner

Wo mujhe Toot Ker Chahe Ga Aur Bhool Jaye Ga Faraz
mujhe Khabar Na Thi Usey Ye Hunar Bhi Aata hae

Tabeer

Main ne Daikha Hai BaharooN maiN Chamman Ko Jaltay
Hai Koee Khawaab ki Tabeer Bataanay Wala

Ranj .. !

Tere bewafa hone ka ranj nahi
Hume to apni wafaon p Ranj hota hai

Dharkano ka Fareeb

Woh jisay samhajtay thay zindagi,
meri dharkano ka fareeb thaa,

mujhay muskrana sikha k wo,
meri rooh tak ko rula gaya,

wo jisko panay ki chah mei,
mei kabhi khilta gulab thee,

meri pati pati biker gaye,
mujhay aise thoker laga gaya,

ajab shakhs tha vo aye zindagi,
osay samhaj ker b na samhaj sakay,

mujhay chahata b ghazab ka thaa,
mujhay chor ker b chala gaya.

Adhure Mamley

Kabhi Fursatain Jo Naseeb Hon, Chaley Aana Mere Pass Tum
Hain Adhure Kitne He Mamley Meri Zaat Se Teri Zaat TaK

Do Lafzoan ka Afsana

Do hi Lafzo'n Ka Tha
Wo Afsana ...

Jo Suna Ker Khamosh
Ho Bethey ...

Ibtida Ye K Tum Ko
Chaha Tha ...

Intiha Ye K Khud Ko
Kho Bethey ...

Khud Farebi

Mujhy To Yaad Kuch Atta Nahi Hay
Bas Aisy Hi Main Bato Main Asker Kho Sa Jata Hon

Main Rotta To Nahi Hoon Shaam Ko Akser..
Kay Chalty Main hamisha.. Aankh Main kuch Par Sa jata hai..

Nahi Hai Intizaar Mujh ko Kisi Ka..
Najany Q ..

Meri Addat Purani Hai
Her Ek Ahhat Pay Me Bas..Chonk Jata hn

Udaas kab hu..
Zara si Chup Hu Bas is Sooch Mai Doobi,

Kahin Woh Yeh Samjh Na Lay ,Me Usko Yaad karta hn
Aye Chand Jakay Us Khushfeham Ko Keh De

Nahi Atta To Na Aye
yahan kab koi us ki raah takta hy..!

Phool jahaa thy

ab wahan khaak uraTee h Khizaan
Phool hi Phool jahaa thy pehLe

Bud Dua !

Jis ko dekha us ko rota hua paya Mohsin
Mohabbat to mujhe kisi faqeer ki baddua lagti hai...

Ghum se pathar ho gaya

Neend ka halka gulabi sa khumaar aankhon mein tha
Youn laga jaise woh shab ko der tak soya nahin

Jaanta hoon aik aisey shakhs ko main bhi Munir
Ghum se pathar ho gaya lekin kabhi roya nahin

Chot Lagti hai

Mohabbat say, Inayat say, wafa say chot lagti hai
Bikherta phool houn mujh ko hawa say chot lagti hai

Main shabnum ki zuban say phool ki aawaz sunta houn
Ajab ahsaas hai apni sada say chot lagti hai

Tujhe khud apni majburi ka andaza naheen shayad
Na ker ahed-e-wafa, ahed-e-wafa say chot lagtee hai

Mein apny ap sy Darta hon

kissy maaloom?
kon is Raaz ki sadion puraani
kafiyat sy aashna hy

yeh mery chaaron taraf keu ik sakoot-e-be-sada hy

mein kahon kis sy?
meri aankhon k khaali rozano sy
is taraf kya hy? khala ya sitaary phaankti hoi undhi hawa hy?

janta hy kon? kis py khul saka hy?
jism k khander mein, kon ab tak bus raha hy?

tum mujhy dekho, mein apny ap sy darta hon shab ko
bikhary toot'ty khawabon mein jab takseem hota hon
koi chunta nhi mujh ko!

to esa hy k tum apni mehakti neend sy khailo ( na dukh jheelo)

meri tanhaai k israar mat poocho

kahyn esa na ho k tum bhi khud ko ganwa betho!

meri khawahish aur apny darmiyaan bhaid bhari dewaar rehny do!
mujhy sadion puraani daastaanon ki tarah
undhi hawa k saath pur-israar rehny do, rehny do!

Lehja

woh jo ik baat boht talkh kahi thi us nay
baat to yaad nahi yaad hai Lehja us ka..!

Khushi ke Hawaalay

Yun to kitab-e-Zeest mukamal rahi magar
Wo lay gaya khushi ke hawaalay nikal kay

Halan k Mohabbat Kuch b Nahi !

Alfaz k JhooTy Bandhan main
Gharz k GehRy Pardoan main
Hur Shakhs Mohabbat KrTa Hy
Halan k Mohabbat Kuch b Nahi

Taqseem

Mila tu aor b Taqseem kr gia Mujhay
SamaiTna thi, jiSy Meri Kirchiyan, Mohsin !

Da`wa !

Aik lafz MOHABBAT hai
Isay kar k dekho
Tum barbaad na ho jao
Tu mera naam badal dena

Aik lafz MUQADDAR hai
Is say lar k dekho
Tum haar na jao
Tu mera naam badal dena

Aik lafz WAFA ka hai
Zamanay main nahi milta
Kahin say dhoond kar le aao
Tu mera naam badal dena

Aik lafz AANSOO hai
Isay dil main chupa kar dekho
Ankhon say na beh jaye
tu mera naam badal dena

Aik lafz JUDAII ka hai
isay seh k dekho
Tum toot kar na bikhar jao
tu mera naam badal dena

Lahu her Lafz Rota h

Yahi wada liya tha na hamesha khush hi rehna hay,

Tou dekho, deekh loo aaker,
Meri ankhoon ko dekho tum, yayh kitni shookh lagti hain,
Maray hontoon ko dekho tum, hamesha muskuratay hain,
Koi bhi ghum agar aiya, usay hans ker saha main nay,
Maray chahray ko dekho tum, hamesha pursukun ho ga, tou socho gay,

kiya tha main nay jo tum say, woh wada ker dia pura,
Yahi wada liyay tha na?

Magar aik baat hay pyaray,

Kabhi jo waqt mil jayay, tou meri shairi parhna,
Tumhay mehsus tou ho ga,

Kaheen talkhee bhara lahja,
Kaheen pay sard sa lahja,
Kaheen pay dard kee jheelain,
Kaheen lahjay ki karwahat.

Sunoo!
Main khush tou hun lakin,
Lahu her lafz rota hay

Muyasser nahee Tanhai b

Un ko naamoos bhi, izzat bhi, pazeeraii bhi...
Mujh ko raunay ko muyasser nahee tanhaaii bhi...
Apnay hee haal pay ha'nsna, kabhi ha'ns kar rauna...
Mai'n bayak waqt tamaasha bhi tamaashaaii bhi...!

Kahin mein Hosla na chor bethun

Meray angan may aoooo.......!!!
totay patay to dekho
meri sab khirkiyo par hijar k Kehra jama hai
meray darwazo k bazoo
tumharay lotnay ki chaah may shal hogain hain.
meray ghar k charago ki har ik loo
dard may dooobi hoi hai

wo dekho tartharahat beeen karne lag gai hai
meray takiya pe thehri dhool dekho
meray bistar ki chahdar be shikan gum sum pari hai
woh atishdan dekho kis tarah sona rekha hai

wo dekho raat ka khana para hai
ye dekho chahye thandi ho sakti hai
tumharay khat,kitabain,card,t ohfay
mujhey milnay ki khuwaish mai

meray charho taraf bikhray hoan hain
wo ik tasweer meray samnay gum sum pari hai
woh ik konay may hasrat thak gai hai ,so gai hai
ye barhti shave ye gadlay sleeeper

meray balo may farqat jam gaye hai
meray honto say chup lipti hoi hai
tumharay lams ki hidat nahi too
meri pooron may sardi thaam gai hai
tumhara hijar had se barh chuka hai
mujhe tanhai chubne lagi hai

May thak kar totnay wala howa hoon
may khud se rabta na tor bethoon
kahin may hosla na chor bethooon
kahi may hosla naa...........

Bas kuch der mujhay

Meray munsif
Mujhay maloom hai

saza mera muqqaddar hai

bas kuch der mujhay
us kay seenay say laga rehnay day

kuch der mujhay
us ki khushboo may basa rehnay day

bas kuch der mujhay
barri shan say maqtal ko chaloon gi

kuch der mujhay
us kay qadmon may parra rehnay day

kuch der mujhay
Bas kuch der mujhay

Tujh ko Yaad karNa h

Barishon ke mausam mein

dil buhat chahta hai ..
tere sung chalne ko
tujhse baat karne ko..
teri baat sun'ne ko

dil buhat chahta hai ..

dil ko kaise samjhaein
hum ko zindgi bhar ab,
barishon ke mausam mein
bheegna bhi hai tanhaa
aur tanhaa chalna hai ..

barishon ke mausam mein
tujh ko yaad karna hai !!

Reha kuch bhi nahi

Ub to Haathon s Lakeerein bhi miTi jati hain
Usy kHo kr to meRy pas reha kuch bhi nahi

Zaroorat Uski

Wo kabhi aanKh b jhupke to Laraz uThTa hn Faraz
Mujh ko Us s bhi ziaDa h, Zaroorat, Uski....

Udaas Mosum thehr chuka hai!

Udaas lamhoN,ujaarr ratoN
Merey takhayyul sey door bhaago

Ye neend mujhsey baizar hai kyun?
Is dukh ko mujhsey hi pyar hai kyun?

Ye log jo merey rahber hain
Ye meri sochoN sey bey khabar hain

Ye mujhsey kehtey hain,titliyoN per,
Main jugnooOn per kitaab likkhoon

K chahatoN ka nisaab likkhoon
Inhein main kesey bataoon k ab...

Bahar Mosum” guzar chukka hai

Udaas baiy kal khizaaN ka mosum
Humarey dil mein utar chuka hai

Hai ab to jeena wabal apna
Na roop rung,na jamal apna

Tha jis ko thorra khayal apna
Wo shaqs to kub ka mar chukka hai

Humarey qehqahoN ka,khusbooOn ka
Wo dor kub ka guzar chuka hai

Haseen aankhoN k rat jagoN mein
Udaas mosum thehr chuka hai!

Udaas Kia

Kesay ik lafz main bayan karon
Dil ko kis bat nay uDaas kiya...

Aik Shair

Woh shakhas jis ko hosly mene ata keiy
Wasif woh mery azm ki toheen ker gya

Koi Apna Nahi Banta...!

Labon pay naam rakhnay say
Dilon main yaad karnay say

Har ik dharkan, har ik tarpan
Kisi ke naam karnay say

Koi apna nahi banta...!!!


Tamam umar ki khushiyan
Mohabbat ki sabhi ghariyan

Kisi ko daan karnay say
ke ...us pay maan karnay say

Koi apna nahi banta ...!!!


Woh pehlay piyar ki batain
Fafaqat ki sabhi ratain

Woh chahat ki sabhi rasmain
Mohabbat ki sabhi qasmain

Humaisha yaad rakhnay say
Koi apna nahi banta ...!!!


Kisi tanha akaili raah guzar par
Puranay say kisi boorhay shajar par

Patthar say koi dil bananay say
Aur...
Uss main apna or kisi ka naam sajanay say

Koi apna nahi banta ...!!!


Kay jab......aankhain hi marr ja'ain
To phir sapna nahin banta

Yeh jeewan daaan kar ja'ain
To bhi apna nahi banta

Koi apna nahin banta...!!!

Kiya Tum bhi...?

Kiya tum bhi...?

Shaam ki dehleez pe
Aas ka deep Jalaty ho?

Aur kisi awara patay ki ahat pr
Darwazay ki taraf bhaagy jatay ho?

Kiya tum bhi???

Dard chupanay ki koshish kartay kartay....
Aksar thak se jatay ho!
Aur bila waja muskuratay ho??

Kiya tum bhi???

Neend se pehlay palkon pr
Dhairoan khawab sajatay ho?

Ya phir bister per lait ker...
Ritay rotay sojatay ho????

Kiya tum bhi...

Akhir meri tarhaa Haaar jatay ho....!!!!

Abhi khasa qarz chukana hai

Kuch khwab hein jin ko likhna hai
Ta'abeer ki surat deni hai

Kuch log hein ujrhe dil wale
Jinhein apni muhabbat deni hai

Kuch phool hein jin ko chun'na hai
Aur haar ki surat deni hai

Kuch apni nidaaein baqi hein
Jinhein batna hai kuch logon mein
In ko bhi to rahat deni hai

Ae umr e rawan aahista chal
Abhi khasa qarz chukana hai...!!!

Tumhe Mehsos Karna Hai !

Kabhi Tum Milne Ao Na !!
Tumhe Mehsos Karna Hai !!

Tumhari Zaat Mein Reh Kar !!
Tumhara Hisa Ban na Hai !!

Mujhe Viran Ankhon Mein !!
Tumhari Bikhri Baaton Mein !!
Wafa Ka Rang Bharna Hai !!

Tumhare Phool Se Chehre Pe !!
Udasi Ka Jo Manzar Hai !!
Yahan Pe Apni Chahat Se !!
Hansi Ko Naqsh Karna Hai !!

Kabhi Tum Milne Ao Na !!
Tumhen Mehsos Karna Hai !!