Tumhe jab kabhi milain Fursatien, meray dil say bojh utaar do
Main buhat dino say udaas hoon, mujhay aik sham udhar do
Mujhay apnay roop ki dhoop do, key chamak sakain meray khad o khaal
Mujhay apnay rang main rang do, meray saray rang utaar do
Kisi ko meray haal say, na koi Gharz hai na wasta
Main bikher gaYa hoon samait lo, main biger gaya hoon sanawar do
Meri wehshaton ko barha dia hai judaion key azab nay
Meray dil per haath rakho zara, meri dharkano ko qarar do
Kaho subah kaise lagi meri khowaisho key diar ki
Jo bhali lagi to yaheen raho, issay chahaton say nikhar do
Bashir Badar
Subscribe to:
Post Comments (Atom)
No comments:
Post a Comment