Is Kainaat e Mohabbat Mein

Is Kainaat e Mohabbat Mein
Hum Misl e Shams o Qamar Han

Ek Raabita MusalsaL Hai
Ek Faasla MusalsaL Hai

Mae Khud Ko Baich DuuN Phr Bhi
Mae Tujh Ko Paa Nhi Saktaa

Mae Aam Saa Hamesha HuN
Tuu Khas Sa MusalsaL Hai

Waqt e WisaaL Ki Bhi
Ek Aarzu Adhoori Hai

Ek Aas Si Hamesha Hai
Ek Khwab Saa MusalsaL Hai

Khata KaaroN Ki Qismat Mein
Jannat Hua Nhi Karti

Mae Khata Kaar Azl Se Hun
Tu Parsaa MusalsaL Hai....!!

Hawa thami thi zaroor lekin

Hawa thami thi zaroor lekin
bari hi muddat guzar chuki thi…

who shaam bhi jaise sisak rahi thi
k zard patton ko aandhion ne…

Ajeeb Qissa suna diya tha
k jisko sun kar tamaam patte

sisak rahe thay bilak rahe thay…

Najane kis “saanhey” k ghum mein
shajar jarron se ukhar chuke thay

bohat talasha tha hum ne tumko…

Har ek rasta
har ek waadi
har ek parbat
har ek ghaati…

kahein se teri khabar nahi aayi…

To keh ke yeh hum ne dil ko taala
”hawa thame gayi to dekh lein gay”…

hum us ke raston ko dhond lein gay mager humari ye “khush khyali”…
Jo hum ko barbaad kar gayi thi…hawa thami thi zaroor lakin…

“bari hi mudat guzar chuki thi”
humare balon ke janglon mein safayd chandni utar chuki thi

falk pe tare nahi rahe thay
gulab Pyaray nahi rahe thay…

wo jin se basti thi dil ki basti
wo log saray nahi rahe thay…

magar ye “almiya” sab se baala tar tha…

“k Hum tumhare nahi rahe thay”…
“k tum humare nahi rahe thay”…

Hawa thami thi zaroor lekin
bari hi muddat guzar chuki thi